Dinamalar

பஹத் பாசிலின் ஆவேசத்தை விழிப்புணர்வுக்கு பயன்படுத்திய மும்பை போலீஸ்

கடந்த சில நாட்களுக்கு முன்பு மலையாளத்தில் பஹத் பாசில் நடிப்பில் ஆவேசம் என்கிற படம் வெளியானது. ஜித்து மாதவன் என்பவர் இயக்கியிருந்த இந்த படத்தில் ரங்கா என்கிற காமெடி தாதா கதாபாத்திரத்தில் பஹத் பாசில் நடித்திருந்தார். இந்த படத்தில் அவர் ஒரு தூணுக்கு பின்புறமாக நின்று கொண்டு ஒருபுறம் சீரியஸாக முகம் காட்டியும் இன்னொரு புறம் புன்னகையுடன் முகம் காட்டியும் நடித்து இடம்பெற்ற கரிருங்காலியல்லோ என்கிற பாடல் இன்று பட்டிதொட்டி எல்லாம் ரிலீஸ் வீடியோக்களாக பரவிக் கொண்டிருக்கிறது. இந்த நிலையில் மும்பை போலீசார் இந்த வீடியோவை பொதுமக்களின் பாதுகாப்பிற்கான விழிப்புணர்வு பிரச்சார வீடியோவாக மாற்றி வெளியிட்டுள்ளனர்.

இந்த வீடியோவில் பஹத் பாசில் ஒவ்வொரு பக்கமும் தனது முகத்தை கொண்டு வரும்போது மும்பை போலீசார் தங்களது விழிப்புணர்வு எச்சரிக்கை வாசகங்களான “அவசர உதவிக்கு 100க்கு டயல் செய்யுங்கள்”, “பல எண்கள் கொண்ட சீக்ரெட் பாஸ்வேர்டை பயன்படுத்துங்கள்”, “குறிப்பிட்ட வேகத்திற்குள் வாகனத்தை ஓட்டுங்கள்”, “ஹெல்மெட் அணியாமல் ஓட்டாதீர்கள்” “சந்தேகப்படும்படி ஏதேனும் லிங்க் வந்தால் அதை தெரியப்படுத்துங்கள்” என ஒவ்வொரு வாசகங்களாக குறிப்பிட்டு அந்த வீடியோவை வெளியிட்டுள்ளனர். அவர்களது இந்த வித்தியாசமான முயற்சிக்கு பொதுமக்களிடமும் பாராட்டுக்கள் கிடைத்து வருகின்றன.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  மலையாள வாரிசு வில்லன் நடிகர் மேகநாதன் மறைவு
• 
  ராம் பொதினேனிக்கு ஜோடியான பாக்யஸ்ரீ போர்ஸ்
• 
  மம்முட்டி, மோகன்லால் இணையும் படத்தின் படப்பிடிப்பு தொடங்கியது
• 
  'பதேர் பாஞ்சாலி' நடிகை மரணம்
• 
  நடிகர் சித்திக்கிற்கு முன்ஜாமின் வழங்கிய உச்சநீதிமன்றம் ; புகாரளித்த ...