Dinamalar

தமிழில் அறிமுகமாகும் இன்னொரு மஞ்சும்மேல் பாய்ஸ் நடிகர்

கடந்த பிப்ரவரி மாதம் மலையாளத்தில் வெளியான மஞ்சும்மேல் பாய்ஸ் திரைப்படம் கேரளாவில் மட்டுமல்லாது தமிழ்நாட்டிலும் வெளியாகி மிகப்பெரிய வரவேற்பு பெற்றது. இதுவரை மலையாள சினிமாவில் 200 கோடி வசூலித்த முதல் படம் என்கிற பெருமையும் இந்த படம் பெற்றது. இந்த படத்தில் நடித்த பத்து இளைஞர்களில் ஓரிருவர் தான் ஏற்கனவே ரசிகர்களுக்கு அறிமுகமானவர்கள். மீதி உள்ளவர்கள் அனைவருமே இந்த மஞ்சும்மேல் பாய்ஸ் படம் மூலமாக வெளிச்சம் பெற்றுள்ளார்கள் என்றே சொல்லலாம்.

அதிலும் இந்த படத்தில் குணா குகைக்குள் விழும் கதாபாத்திரத்தில் நடித்திருந்த ஸ்ரீநாத் பாஷிக்கு இந்த படத்தின் வெற்றியானது தமிழில் பா ரஞ்சித் தயாரிப்பில் அகிரன் மோசஸ் இயக்கத்தில் ஜி.வி பிரகாஷ் நடிக்கும் படத்தில் முக்கிய நேரத்தில் நடிக்கும் வாய்ப்பை பெற்று தந்தது. இதையடுத்து இந்த படத்தில் நடித்த இன்னொரு இளம் நடிகரான தீபக் பரம்போள் என்பவர் நித்யா மேனன் கதாநாயகியாக நடிக்க தமிழில் உருவாகும் டியர் எக்சஸ் என்கிற படத்தில் முக்கிய கதாபாத்திரத்தில் நடிக்க ஒப்பந்தமாகி உள்ளார்.

நிவின் பாலி கதாநாயகனாக அறிமுகமான தட்டத்தின் மறையத்து படத்தில் தான் இவரும் ஒரு நடிகராக அறிமுகமானார். இத்தனை வருடம் கழித்து மஞ்சும்மேல் பாய்ஸ் படம் மூலம் பிரபலமான இவர், சமீபத்தில் பீஸ்ட் பட நடிகை அபர்ணா தாஸை திருமணம் செய்ய இருப்பதாக வெளியான நிச்சயதார்த்த செய்தியால் இன்னும் பிரபலமானவர் என்பது குறிப்பிடத்தக்கது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா