Dinamalar

கோயில் திருவிழாவில் 'புஷ்பா' : ஆக்ஷன் டீசர் வெளியீடு

சுகுமார் இயக்கத்தில், தேவிஸ்ரீபிரசாத் இசையமைப்பில், அல்லு அர்ஜுன், ராஷ்மிகா மந்தனா மற்றும் பலர் நடிப்பில் உருவாகி வரும் படம் 'புஷ்பா 2'. இப்படத்தின் கதாநாயகன் அல்லு அர்ஜுனுக்கு இன்று பிறந்தநாள். அதை முன்னிட்டு 'புஷ்பா 2' படத்தின் டீசர் வெளியிடப்பட்டுள்ளது.

கடந்த வருடம் அல்லு அர்ஜுன் பிறந்தநாளில் வெளியான படத்தின் போஸ்டரில் உள்ள அதே கெட்டப்பில் இந்த வருட பிறந்தநாளில் டீசரை வெளியிட்டுள்ளார்கள். எதிர்பார்த்ததைப் போலவே அதிரடி ஆக்ஷனுடன் கூடிய மிரட்டலான டீசராகவே அமைந்துள்ளது.

கோவில் திருவிழாவில் விதவிதமான வேடங்களை அணிந்த சிலர் புஷ்பாவை அடிக்க வர, அவர்களைப் போலவே கோவில் திருவிழாவுக்காக 'காளி' போன்ற வேடமணிந்த புஷ்பா அவர்களை அடிக்கும் ஒரு நிமிட வீடியோவாக டீசர் உள்ளது.

புடவை அணிந்து, காலில் சலங்கை, கையில் வளையல்கள், கழுத்தில் எலுமிச்சை மாலை, மல்லிப்பூ மாலை, கழுத்து நிறைய அணிகலன்கள், முகத்தில் வண்ண வண்ண அலங்காரம் என அதிரடியாய் நடந்து வந்து ஆர்ப்பரிக்கிறார் அல்லு அர்ஜுன்.

படம் முழுவதுமே இப்படி அதிரடியாகவே இருக்கும் என்பதை ஒரு சண்டைக் காட்சியின் ஒரு டீசராக வெளியிட்டுள்ளார்களோ என யோசிக்க வைக்கிறது. சில நிமிடங்களிலேயே லட்சங்களைக் கடந்து ஏறிக் கொண்டிருக்கிறது டீசரின் பார்வைகள். புதிய சாதனையைப் படைக்குமா எனப் பொறுத்திருந்து பார்க்க வேண்டும்.

• 
  16 வயதுக்கு கீழ் உள்ளவர்களுக்கு தடை செய்ய வேண்டும் : சோனு சூட்
• 
  விவாகரத்து வதந்தி : கடும் கோபத்தை வெளிப்படுத்திய அபிஷேக் பச்சன்
• 
  பாகிஸ்தானுக்கு எதிரான கதையா? ரன்வீர் சிங்கின் துரந்தர் படத்திற்கு தடை
• 
  பனாரஸில் தேவநாகரி லோகோ உடன் ஒளிர்ந்த அவதார் பயர் அண்ட் ஆஷ்
• 
  ரூ.152 கோடி வசூலை கடந்த தனுஷின் தேரே இஸ்க் மே படம்

• 
  தெலுங்கு சினிமாவில் ஒற்றுமை இல்லை! - தமன் ஆதங்கம்
• 
  பிளாஷ்பேக்: 'நடிப்பிசைப் புலவர்' கே ஆர் ராமசாமியை நாடறியும் ...
• 
  மீண்டும் முதன்மை கதாபாத்திரத்தில் நடிக்கும் அஞ்சலி!
• 
  மீண்டும் அஜித்துடன் இணைந்து நடிக்கும் ரெஜினா கசாண்ட்ரா!
• 
  இயக்குனர் செல்வராகவனை பிரிகிறாரா கீதாஞ்சலி?