Dinamalar

தனுஷ் 51வது படத்தின் தலைப்பு ‛குபேரா' : முதல்பார்வை வெளியீடு

‛கேப்டன் மில்லர்' படத்திற்கு பின் ‛ராயன்' படத்தை இயக்கி அதில் நடித்து முடித்திருக்கிறார் தனுஷ். அதையடுத்து தனது சகோதரி மகன் நடிக்கும் நிலவுக்கு என் மேல் என்னடி கோபம் என்ற படத்தை இயக்கி வருகிறார். இதுதவிர தெலுங்கு இயக்குனர் சேகர் கம்முலா இயக்கும் பான் இந்தியா படத்திலும் நடித்து வருகிறார். தனுஷ் உடன் நாகர்ஜுனா, ராஷ்மிகா மந்தனா ஆகியோரும் நடிக்கிறார்கள். தேவிஸ்ரீ பிரசாத் இசையமைக்கிறார்.

தனுஷின் 51வது படமாக உருவாகும் இந்தபடம் தமிழ், தெலுங்கு, கன்னடம், மலையாளம், ஹிந்தி என ஐந்து மொழிகளில் உருவாகிறது. தற்போது இப்படத்தின் படப்பிடிப்பு நடைபெற்று வரும் நிலையில் மகா சிவராத்திரியான இன்று மார்ச் 8ம் தேதி இந்த படத்தின் டைட்டில் போஸ்டர் மற்றும் கிளிம்ப்ஸ் வீடியோ வெளியாகி உள்ளது. முதலில் மாலை 4:05 மணிக்கு வெளியிடுவதாக சொன்னார்கள். தொழில்நுட்ப பிரச்னையால் மாலை 6:30 மணிக்கு வெளியிட்டார்கள்.

படத்திற்கு ‛குபேரா' என பெயரிட்டுள்ளனர். சுவர் ஒன்றில் கடவுள் சிவன் யாசகம் பெறுவது போன்ற ஓவியம் வரைந்து இருக்க, அதன் அருகில் அழுக்கான கிழிந்த ஆடை, தாடி எல்லாம் வைத்து ஒரு பிச்சைக்காரர் போன்ற தோற்றத்தில் தனுஷ் உள்ளார். தனுஷின் தோற்றம், படத்தின் தலைப்பு நேர் எதிராக உள்ளது. ஒருவேளை படத்தின் கதைக்களமே இதுபற்றி கூட பேசலாம். படத்தின் டைட்டில் போஸ்டர் 4 மொழிகளில் வெளியிடப்பட்டுள்ளது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...