Dinamalar

1964 தீபாவளியில் வசூலில் வென்ற எம்ஜிஆர்

1950, 60களில் தமிழ் சினிமாவில் கோலோச்சிய நடிகர்களில் எம்ஜிஆர், சிவாஜி கணேசன் இருவரும் மிக மிக முக்கியமானவர்கள். அவர்கள் இருவரும்தான் அப்போதைய தமிழ் சினிமாவை அடுத்த கட்டத்திற்குக் கொண்டு சென்றவர்கள்.

எம்ஜிஆர் வியாபார ரீதியிலான படங்களில் நடித்து வெற்றி பெற, சிவாஜி கணேசன் விதவிதமான கதாபாத்திரங்களை ஏற்று குடும்பத்து ரசிகர்களை அதிகம் கவர்ந்து வந்தார். இருவருக்கும் இடையே ஆரோக்கியமான போட்டிதான் அப்போது இருந்தது.

1964ம் ஆண்டு தீபாவளி தினமான நவம்பர் 3ம் தேதி எம்ஜிஆர் நடித்த 'படகோட்டி', சிவாஜி கணேசன் நடித்த 'நவராத்திரி', 'முரடன் முத்து', எஸ்எஸ் ராஜேந்திரன் நடித்த 'உல்லாச பயணம்' ஆகிய படங்கள் வெளிவந்தன.

'படகோட்டி' படத்தில் எம்ஜிஆர் மீனவர் வேடத்தில் நடித்திருந்தார். ஈஸ்ட்மென் கலரில் இந்த திரைப்படம் உருவானது. எம்எஸ் விஸ்வநாதன் இசையில் அனைத்துப் பாடல்களையும் வாலி எழுதியிருந்தார். படத்தின் அனைத்துப் பாடல்களுமே சூப்பர் ஹிட்டானவை, இன்றும் பலரது வீடுகளில் ஒலித்துக் கொண்டிருக்கின்றன.

'நவராத்திரி' படத்தில் சிவாஜிகணேசன் 9 வேடங்களில் நடித்திருந்தார். அவரது தோற்றமும், நடிப்பும் ரசிகர்களை வெகுவாகக் கவர்ந்தது. படமும் வியாபார ரீதியாக வெற்றியை பெற்றது. எம்ஜிஆர், சிவாஜி போட்டியில் 'படகோட்டி' படம் வசூலில் பெரிய வெற்றியைப் பெற்றது. சிவாஜி நடித்து வெளிவந்த மற்றொரு படமான 'முரடன் முத்து' படம் வெற்றி பெறாமல் போனது.

தீபாவளி போட்டியில் அதிக வசூலைக் குவித்து போட்டியில் முந்தினார் எம்ஜிஆர்.

• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை
• 
  பழம்பெரும் ஹிந்தி நடிகர் மனோஜ் குமார் காலமானார்
• 
  முதல் கடார் என் சினிமாவை மூடியது... இண்டாவது கடார் திறந்து வைத்தது : சன்னி ...
• 
  'ரெய்டு 2' படத்தில் சிறப்பு பாடலில் தமன்னா!

• 
  ரஜினியை தொடர்ந்து ஜூனியர் என்டிஆரை இயக்கும் நெல்சன்
• 
  23 ஆண்டுகளுக்குப் பிறகு மீண்டும் ஹரி இயக்கத்தில் நடிக்கும் பிரசாந்த்
• 
  பார்க்கிங் மோதல் விவகாரம் : தர்ஷனுக்கு ஆதரவாக குரல் கொடுத்த சனம் ஷெட்டி!
• 
  'இட்லி கடை' தள்ளிப் போக இதுதான் காரணமா ?
• 
  பிருத்விராஜிற்கு வருமான வரித்துறை நோட்டீஸ்