Dinamalar

இரண்டு வாரங்களைக் கடந்த 'லியோ' : அடுத்த வாரம் வரை தியேட்டர்களில்…

விஜய், த்ரிஷா மற்றும் பலர் நடித்த 'லியோ' படம் அக்டோபர் 19ம் தேதி வெளியானது. தொடர்ச்சியாக 6 நாட்களுக்கு தினமும் 5 காட்சிகள் திரையிட அந்தப் படத்திற்கு அனுமதி வழங்கப்பட்டது. அதனால், அந்த ஆறு நாட்களிலேயே பலரும் படத்தைப் பார்த்துவிட்டனர். அதன்பின் கடந்த வார சனி, ஞாயிற்றுக் கிழமைகளில் மட்டும் சில தியேட்டர்களில் ஹவுஸ்புல் ஆகியுள்ளது.

இந்த வாரத்தில் படத்தைப் பார்க்கத் தியேட்டர்களுக்கு வருபவர்களின் எண்ணிக்கை வெகுவாகக் குறைந்துவிட்டது. நாளையும், நாளை மறுதினமும் விடுமுறை நாள் என்றாலும் முன்பதிவும் சொல்லிக் கொள்ளும்படி இல்லை. பல தியேட்டர்களில் ஒரு வரிசை கூட முன்பதிவு ஆகாமல்தான் உள்ளது.

அடுத்த வெள்ளிக்கிழமை தீபாவளி படங்கள் வெளிவரும் வரை தியேட்டர்காரர்களுக்கும் வேறு படங்கள் இல்லை. எனவே, இரண்டு வாரத்தைக் கடந்தாலும் வேறு வழியில்லாமல் 'லியோ' படத்தை ஓட்டிக் கொண்டிருக்கிறார்கள் என தியேட்டர் வட்டாரங்களில் தெரிவிக்கிறார்கள்.

12 நாட்களில் இப்படம் 540 கோடி வசூலைக் கடந்ததாக நான்கு நாட்களுக்கு முன்பு அறிவித்திருந்தார்கள். தற்போது படம் 550 கோடி வசூலைக் கடந்திருக்கலாம் என்று பாக்ஸ் ஆபீஸ் வட்டாரங்கள் தெரிவிக்கின்றன. 'ஜெயிலர்' படம் 600 கோடி வசூலைக் கடந்தது போல 'லியோ' படம் கடக்க வாய்ப்பில்லை என்றே தெரிவிக்கிறார்கள்.

• 
  சொல்லாமல் விலகிய பாலிவுட் நடிகர் மீது 25 கோடி நஷ்ட ஈடு கேட்டு அக்ஷய் குமார் ...
• 
  ''எல்லாமே முதன்முறை... பிகினியும் கூட...'': 'வார் 2' பற்றி கியாரா அத்வானி
• 
  கல்வான் பள்ளத்தாக்கு மோதல் கதையில் உருவாகும் படத்தில் சல்மான் கான்!
• 
  அம்ரிதா பிரிதமின் வாழ்க்கை வரலாற்றில் நடிக்க விரும்பும் நிம்ரத் கவுர்
• 
  வார் 2 படத்தின் முக்கிய அப்டேட்

• 
  தள்ளிப்போகும் 'தொடரும்' பட ஓடிடி ரிலீஸ்
• 
  ஜெயிலரின் வில்லனாக நடிக்க இருந்தது மம்முட்டி தான் ; ரகசியம் உடைத்த வசந்த் ...
• 
  'டப்பா - ஆன்ட்டி' ரோல் சர்ச்சை…'அந்த' நடிகை மன்னிப்பு கேட்டார், ...
• 
  ஆண்கள் மட்டுமே நடித்துள்ள 'ஆகக் கடவன': நாளை ரிலீஸ்
• 
  மோகன்லாலின் வாழ்க்கை கதை புத்தகம்: டிசம்பரில் வெளியீடு