Dinamalar

புகைபிடிப்பதை விடாத 'லியோ' படக்குழு, குவியும் கண்டனங்கள்

லோகேஷ் கனகராஜ் இயக்கத்தில் விஜய் நடிக்கும் படம் 'லியோ'. இந்தப் படத்திலும் போதைப் பொருள் கடத்தலைத்தான் கதையாக வைத்திருப்பார் லோகேஷ் என படத்திற்காக வெளியான வீடியோக்கள் மூலம் புரிகிறது.

இப்படத்தில் நடிக்கும் அர்ஜூன் நேற்று முன்தினம் பிறந்தநாளைக் கொண்டாடினார். அதை முன்னிட்டு அர்ஜூனின் கதாபாத்திரமான 'ஹரால்டு தாஸ்' அறிமுக வீடியோவை படக்குழுவினர் வெளியிட்டனர். இந்த வீடியோவில் அர்ஜூன் புகை பிடிக்கும் காட்சிகள் இடம் பெற்றுள்ளது. இது சமூக ஆர்வலர்களிடம் கடும் எதிர்ப்பை ஏற்படுத்தியுள்ளது. தொடர்ந்து புகைபிடிக்கும் புகைப்படங்கள், பாடல், வீடியோக்களை படக்குழுவினர் வெளியிடுவதாக அவர்கள் குற்றம் சாட்டுகிறார்கள்.

இதற்கு முன்பு சஞ்சய் தத்தின் பிறந்தநாளை முன்னிட்டு வெளியான அவரது கதாபாத்திர 'ஆண்டனி தாஸ்' அறிமுக வீடியோவில் கூட சஞ்சய் தத் புகை பிடிக்கும் காட்சிதான் இடம் பெற்றிருந்தது. அதற்கும் முன்பாக வெளியான படத்தின் முதல் சிங்கிளான 'நான் ரெடிதான்' பாடலில் புகை பிடிப்பது, போதைப்பொருள், குடி ஆகியவற்றைப் பற்றிய வரிகள் இடம் பெற்றது எதிர்ப்புகளை சம்பாதித்தது. அதன் பிறகே அதில் எச்சரிக்கை வாசகங்களைச் சேர்த்தனர்.

எந்தவிதமான சமூக பொறுப்பும் இல்லாமல் தொடர்ந்து வீடியோக்களில் இப்படி புகைபிடிப்பதை ஊக்குவிக்கும் காட்சிகள் இடம் பெறுவது 'லியோ' படம் மீதான அச்சத்தை ரசிகர்களிடமும் ஏற்படுத்தியுள்ளது.

விஜய் புகைபிடிப்பது பற்றிய காட்சிகள் வெளியான போது எதிர்ப்புகளைத் தெரிவித்த சில அரசியல் கட்சித் தலைவர்கள் தற்போது தொடர்ந்து வரும் அது போன்ற வீடியோக்களை கண்டும் காணாமல் இருக்கிறார்கள்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா