Dinamalar

எனது சென்னை ரசிகர்களுக்காக தமிழ் படம் தயாரிக்கிறேன் : தோனி

கிரிக்கெட் ரசிகர்களால் தல என்று செல்லமாக அழைக்கப்படும் நட்சத்திர கிரிக்கெட் வீரர் தோனி. 'டோனி எண்டர்டெயின்மெண்ட்' என்ற பெயரில் பட நிறுவனம் தொடங்கி சினிமா தயாரிப்பாளராக மாறி இருக்கிறார். தமிழில் முழுநீள திரைப்படத்தை தயாரித்துள்ளார்.

'எல்.ஜி.எம்.' என்ற இந்த படத்தை ரமேஷ் தமிழ்மணி இயக்கி உள்ளார். ஹரிஷ் கல்யாண் நாயகனாகவும், இவானா நாயகியாகவும் நடித்துள்ளனர். நதியா, யோகிபாபு உள்ளிட்ட பலர் நடித்துள்ளனர். படத்தின் இயக்குனர் ரமேஷ் தமிழ்மணியே இசை அமைத்தும் உள்ளார். படத்தின் பாடல் வெளியீட்டு விழா நடந்தது.

இதில் கலந்து கொண்டு தோனி பேசியதாவது : சென்னை எனக்கு பிடித்த இடம். எனது கிரிக்கெட் அறிமுகம் இங்குதான் நடந்தது. இங்குதான் அதிக ஸ்கோர் செய்தேன். அளவில்லா அன்பை கொடுத்த ரசிகர்கள் சென்னை ரசிகர்கள், எனது வாழ்க்கையின் பல நல்ல விஷயங்கள் சென்னையில் தான் நடந்தது. அதனால்தான் சாக்ஷி சினிமா தயாரிக்க வேண்டும் என்று சொன்னபோது தமிழ் படம் தயாரிக்க சொன்னேன்.

படத்தின் விஷயங்களில் நான் தலையிட மாட்டேன். ஆனால் கதை கேட்பேன், பணிகள் முடிந்ததும் படம் பார்ப்பேன். எனது கருத்தை சொல்வேன் என்றேன். இந்த படத்தை பார்த்து விட்டேன். நன்றாக இருக்கிறது. நான் என் தாயின் மீது மிகுந்த அன்பு கொண்டவன். நதியாவின் நடிப்பில் அதை மீண்டும் உணர்ந்தேன். ஹரிஷ், இவானா, யோகிபாபு பிரமாதமாக நடித்திருக்கிறார்கள். இது தாய், மகன், மாமியார் உறவை பேசுகிற படம். எல்லோருக்கும் பொருந்துகிற கதை அம்சம் கொண்ட படம். சென்னை ரசிகர்கள் எனக்கு நிறைய கொடுத்திருக்கிறார். அவர்களுக்கு இந்த படத்தின் மூலம் சிறிய பகுதியை திருப்பி கொடுப்பதாக நினைக்கிறேன்.

இவ்வாறு அவர் பேசினார்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  ரஜினியின் 'ஜெயிலர்-2' படத்தில் இணைந்த ஹிந்தி நடிகை அபேக்ஷா போர்வல்!
• 
  15 கிலோ எடை குறைத்த கிரேஸ் ஆண்டனி!
• 
  கோவா சர்வதேச திரைப்பட விழாவில் திரையிடப்படும் அமரன்!
• 
  சூர்யாவின் 'கருப்பு' படத்தின் கிளைமாக்ஸை மாற்றும் ஆர்.ஜே.பாலாஜி!
• 
  விக்னேஷ் சிவனை தொடர்ந்து ரோல்ஸ் ராய்ஸ் ஸ்பெக்டர் எலக்ட்ரிக் கார் ...