Dinamalar

மக்கள் இயக்க நிர்வாகிகளுடன் நாளை விஜய் ஆலோசனை கூட்டம்

நடிகர் விஜய் தற்போது லோகேஷ் கனகராஜ் இயக்கத்தில் ‛லியோ' படத்தில் நடித்து வருகிறார். இதன் படப்பிடிப்பு இறுதிக்கட்டத்தை நெருங்கி உள்ளது. விஜய்யின் எதிர்கால கனவு அரசியல் பயணம். அதைநோக்கி மெல்ல பயணித்து வருகிறார். அவரது ரசிகர் மன்றத்தை மக்கள் இயக்கமாக மாற்றி பல்வேறு நலத்திட்ட உதவிகளை வழங்கி வருகிறார்.

கடந்தாண்டு நடந்த உள்ளாட்சி தேர்தலில் அவரது மக்கள் இயக்கத்தை சேர்ந்தவர்கள் 100க்கும் மேற்பட்ட இடங்களில் போட்டியிட்டு வெற்றி பெற்றனர். சமீபத்தில் கூட 10 மற்றும் 12ம் வகுப்பு தேர்வில் தொகுதிவாரியாக முதல் மூன்று இடங்களை பிடித்த மாணவர்களை அழைத்து பாராட்டினார். தொடர்ந்து அவ்வப்போது தனது மக்கள் இயக்க நிர்வாகிகளை அவர் சந்தித்து வருகிறார்.

இந்நிலையில் நாளை(ஜூலை 11) தனது மக்கள் இயக்க நிர்வாகிகளை சந்தித்து முக்கிய ஆலோசனையில் ஈடுபட போகிறார் விஜய். இதுதொடர்பாக மாவட்ட வாரியாக உள்ள முக்கிய நிர்வாகிகளுக்கு அழைப்பு விடுக்கப்பட்டுள்ளது. விஜய்யின் பனையூர் இல்லத்தில் இந்த கூட்டம் நடக்கிறது. காலை 9 மணிக்கு துவங்கும் இந்த கூட்டத்தில் அடுத்தக்கட்ட பயணம் குறித்து ஆலோசனை செய்ய உள்ளார் விஜய். தொடர்ந்து அவர்களுடன் போட்டோவும் எடுத்துக் கொள்கிறார்.

• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி

• 
  ''அப்பா ஒரு குழந்தை; ஆதாரமற்ற வதந்திகளை பரப்பாதீர்கள்'' - ஏ.ஆர்.ரஹ்மான் ...
• 
  அழகுக்காக ஸ்ரீதேவி பட்ட சிரமம் : போனி கபூர் தகவல்
• 
  'வேவ்ஸ்' ஓ.டி.டி., தளம் : பிரசார் பாரதி துவக்கம்
• 
  நவ.26ம் தேதியில் விடுதலை-2 படத்தின் இசை வெளியீட்டு விழா
• 
  தெலுங்கில் அறிமுகமாகும் மமிதா பைஜூ