Dinamalar

தம்பியின் அறிமுக படத்திற்கு எதிராக களம் இறங்கிய ராணா

ராஜமவுலி இயக்கிய பாகுபலி படத்தில் வில்லனாக நடித்து தென்னிந்திய அளவில் மட்டுமல்லாது பாலிவுட்டிலும் நன்கு அறிமுகமானவர் நடிகர் ராணா டகுபதி. தற்போது படங்கள் மட்டுமல்லாது வெப் சீரிஸிலும் நடித்து வருகிறார். இந்த நிலையில் இவரது தம்பி அபிராம் முதன்முதலாக அஹிம்சா என்கிற படத்தின் மூலம் கதாநாயகனாக அறிமுகமாகிறார். இந்த படம் வரும் ஜூன் இரண்டாம் தேதி வெளியாக இருக்கிறது. அதேபோல தெலுங்கு திரையுலகின் இன்னொரு இளம் நடிகரான பெல்லம்கொண்டா ஸ்ரீனிவாஸ் என்பவரின் தம்பி பெல்லம்கொண்டா கணேஷ் நடித்துள்ள நேனு ஸ்டுடென்ட் சார் என்கிற படமும் வெளியாக இருக்கிறது.

இரண்டு நடிகர்களின் சகோதரர்கள் மோதிக்கொள்ளும் போட்டியாக மட்டும் இது இருந்திருந்தால் இதுபற்றி யாரும் கவலைப்பட போவதில்லை. ஆனால் மூன்றாவதாக பரேசன் என்கிற ஒரு படமும் இதே தேதியில் வெளியாகிறது. இந்த படத்தை இயக்குனர் ரூபக் ரெனால்ட்சன் என்பவர் இயக்கியுள்ளார். இதில் ஆச்சரியம் என்னவென்றால் இந்தப்படத்தை நடிகர் ராணா தான் தனது நிறுவனம் சார்பாக வெளியிடுகிறார்.

தனது தம்பி நடித்துள்ள அறிமுகப்படம் வெளியாகும் அதேநாளில் இப்படி வேறொரு படத்தை தன் சொந்த நிறுவனம் மூலமாக ராணா ரிலீஸ் செய்வது தெலுங்கு திரையுலகில் அதிர்ச்சியை ஏற்படுத்தியுள்ளது. குறைந்தபட்சம் ஒரு வாரம் கழித்தாவது ராணா அந்த படத்தை ரிலீஸ் செய்யலாமே, எதற்காக போட்டிக்கு ரிலீஸ் செய்வது போல செய்கிறார் என்று ரசிகர்கள் பலரும் கருத்து தெரிவித்து வருகின்றனர்.

• 
  ‛தெறி' பட ஹீந்தி ரீ-மேக்கில் சல்மான் கான்
• 
  நவராத்திரி : துர்கா தேவியின் ஒன்பது அவதாரங்களை பிரதிபலித்த ஏக்தா ஜெயின்
• 
  அக்ஷய் குமாரின் இரண்டு தோல்விப் படங்கள், அடுத்த வாரம் ஓடிடியில்…
• 
  2025, ஆக., 14ம் தேதியில் வெளியாகும் ‛வார் 2'
• 
  திரிப்தி டிம்ரிக்கு மெஹந்தி போட்டுவிட்ட ராஜ்குமார் ராவ்

• 
  ஏரி ஆக்கிரமிப்பு புகார்: நாகார்ஜுனா மீது வழக்குப்பதிவு
• 
  கிராமி விருதுகளுக்காக அனுப்பப்பட்ட மஞ்சும்மேல் பாய்ஸ், ஆவேசம்
• 
  தேவரா இயக்குனரை ஒரு மாதத்திற்கு வெளியூருக்கு அனுப்பும் ஜூனியர் என்டிஆர்
• 
  நடிகர் ராஜேந்திர பிரசாத்தின் மகள் மாரடைப்பால் மறைவு
• 
  2024க்கான உலகின் மிகச்சிறந்த 25 ஹாரர் படங்களில் 2ம் இடம் பிடித்த பிரம்மயுகம்