வேகமெடுக்கும் விஜயகாந்த் மகன் சண்முக பாண்டியன்

30 மே, 2023 - 01:21 IST

0 கருத்துகள் கருத்தைப் பதிவு செய்ய

எழுத்தின் அளவு:

தமிழ் சினிமாவில் அதிரடி ஆக்ஷன் படங்களில் தூள் கிளப்பியவர் விஜயகாந்த். அரசியலிலும் ஒரு ரவுண்ட் வந்தவர் எதிர்கட்சி தலைவர் அந்தஸ்திற்கு உயர்ந்தார். உடல்நல பிரச்னையால் தற்போது வீட்டில் ஓய்வெடுத்து வருகிறார். இவரது மகன் சண்முக பாண்டியன் 2015ல் சகாப்தம் படத்தில் நாயகனாக அறிமுகமானார். அதன்பின் 2018ல் மதுர வீரன் என்ற படத்தில் நடித்தார். பிறகு வெளிநாட்டுக்கு படிக்க சென்றுவிட்டார்.

தற்போது மீண்டும் படங்களில் நடிக்க கதை கேட்டு வருவதோடு உடலையும் பிட்டாக மாற்றி உள்ளார். சசிகுமார் இயக்கத்தில் குற்றப்பரம்பரை படத்தில் இவர் நடிக்க உள்ளார். இது படமாகவோ அல்லது வெப்சீரிஸாகவோ எடுக்கப்படலாம் என தகவல் வெளியாகி உள்ளது. இதற்கிடையே வால்டர் படத்தை இயக்கிய அன்பு இயக்கத்தில் சண்முகபாண்டின் ஒரு படத்தில் நடிக்க போகிறார். கன்னடத்தில் வெற்றி பெற்ற கலாச்சாரம் மற்றும் பாரம்பரிய மண்சார்ந்த கதையாக வெளியான ‛காந்தாரா' பட ஸ்டைலில் இந்தப்படம் உருவாக உள்ளதாம்.

இந்த படத்தின் கதையை விஜயகாந்த் குடும்பத்தினர் கேட்டதுமே பிடித்து போய்விட்டதாம். எதற்கும் ஒரு டெஸ்ட் ஷூட் எடுத்து பார்க்கலாம் என்று எடுத்துள்ளனர். மிகவும் அருமையாக வந்துள்ளதாம். சின்ன வயதில் விஜயகாந்த்தை பார்த்தது போன்றும் இருந்துள்ளது. தமிழில் இப்படி ஒரு கதை கொண்ட படம் இதுவரை வந்ததில்லை, நிச்சயம் படம் வெளியான பின் பெரிய அளவில் வரவேற்பை பெறும் என விஜயகாந்த் குடும்பத்தினர் நம்பிக்கை தெரிவித்துள்ளனர். அதோடு சண்முக பாண்டியனுக்கு இந்தப்படம் உரிய அங்கீகாரத்தை பெற்று தரும் என்கிறார்கள். விரைவில் முறையான அறிவிப்பும், அதைத்தொடர்ந்து படப்பிடிப்பும் துவங்கும் என எதிர்பார்க்கப்படுகிறது.

Shanmugapandian

Vijayakanth

கருத்துகள் (0) கருத்தைப் பதிவு செய்ய

நவ்யா நாயர் மருத்துவமனையில் அனுமதி

ஜூன் 1ல் ‛மாமன்னன்' இசை வெளியீடு

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய