Dinamalar

கல்யாணி பிரியதர்ஷனுக்காக அனிருத் பாடிய மலையாள பாடல்

கடந்த இரண்டு வருடங்களில் தொடர்ந்து வெற்றி படங்களில் கதாநாயகியாக இடம் பிடித்து தமிழ், மலையாளம், தெலுங்கு என மூன்று மொழிகளிலும் ராசியான கதாநாயகி என பெயரை பெற்று விட்டார் கல்யாணி பிரியதர்ஷன். இதை தொடர்ந்து தற்போது மலையாளத்தில் உருவாகி வரும் சேஷம் மைக்கில் பாத்திமா என்கிற படத்தில் கதாநாயகியாக நடித்து வருகிறார் கல்யாணி பிரியதர்ஷன். இந்த படத்தை அறிமுக இயக்குனர் மனு சி. குமார் என்பவர் இயக்கி வருகிறார்.

ஏற்கனவே கல்யாணி நடிப்பில் கடந்த வருடம் மலையாளத்தில் வெளியான ஹிருதயம் படத்தில் இசையமைப்பாளராக அறிமுகமாகி சூப்பர் ஹிட் பாடல்களை கொடுத்த ஹேசம் அப்துல் வஹாப் தான் இந்த படத்திற்கும் இசையமைத்து வருகிறார். இந்த படத்திற்காக தட்டற தட்டற என்கிற பாடலை இசையமைப்பாளர் அனிருத் மலையாளத்தில் பாடியுள்ளார். தற்போது இந்தப் பாடலின் வீடியோ யூடியூப்பில் வெளியாகி உள்ளது.

அனிருத்தின் உற்சாக துள்ளலான குரலும் அதற்கு கல்யாணியின் அலட்டல் இல்லாத நடனமும் ரசிகர்களிடம் வரவேற்பை பெற்றுள்ளன. கால்பந்து போட்டியை மையப்படுத்தி அதன் பின்னணியில் உருவாகியுள்ள இந்த படத்தில் போட்டிகளை தொகுத்து வழங்கும் தொகுப்பாளர் கதாபாத்திரத்தில் கல்யாணி பிரியதர்ஷன் நடிக்கிறார் என்பது குறிப்பிடத்தக்கது.

• 
  ஏகப்பட்ட நிபந்தனைகள் விதித்த தீபிகா படுகோனே : வெளியேறவில்லை.. ...
• 
  போலீஸ் பாதுகாப்பை மீறி சல்மான் கான் வீட்டுக்கு செல்ல முயன்ற பெண் கைது
• 
  'ஸ்பிரிட்' படத்தை விட்டு வெளியேறிய தீபிகா படுகோனே!
• 
  வார்-2வில் விஜய்யின் ஸ்டைலை காப்பி அடித்த ஹிருத்திக் ரோஷன்
• 
  சொல்லாமல் விலகிய பாலிவுட் நடிகர் மீது 25 கோடி நஷ்ட ஈடு கேட்டு அக்ஷய் குமார் ...

• 
  மைசூர் சாண்டல் சோப் தூதராக தமன்னா நியமனம் : வலுக்கும் எதிர்ப்பு
• 
  ரவி மோகன், ஆர்த்திக்கு கோர்ட் போட்ட அதிரடி உத்தரவு
• 
  24 ஆண்டுகளுக்கு பின் தமிழில் ரவீனா டாண்டன்
• 
  முன்னாள் மனைவியிடம் மன்னிப்பு கேட்ட ஏஆர் ரஹ்மான்
• 
  நான் நல்ல குடும்பத்தை சேர்ந்த பெண் : பாடகி கெனிஷா பதிவு