Dinamalar

'பத்து தல'யை தடுமாற வைக்கும் 'விடுதலை'

மார்ச் மாத கடைசி வாரத்தில் இரண்டு முக்கிய படங்களான சிலம்பரசன் நடித்த 'பத்து தல', சூரி, விஜய் சேதுபதி நடித்த 'விடுதலை' ஆகிய படங்கள் வெளிவந்தன. மார்ச் 30ம் தேதி வெளிவந்த 'பத்து தல' படம் முதல் நாளில் சுமார் 12 கோடி வசூலித்ததாகத் தகவல் வெளியாகின. மார்ச் 31ம் தேதி வெளியான 'விடுதலை' படம் முதல் நாளில் சுமார் 8 கோடி வசூலித்ததாகச் சொல்கிறார்கள்.

'விடுதலை' படத்திற்கான விமர்சனங்களும், வரவேற்பும் அதிகமாக இருந்ததால் அது 'பத்து தல' படத்தின் வரவேற்பையும், வசூலையும் குறைக்க வாய்ப்புள்ளதாக கோலிவுட்டில் சொல்கிறார்கள். சில ஊர்களில் 'பத்து தல' படத்தின் காட்சிகளைக் குறைத்துவிட்டு 'விடுதலை' படத்தின் காட்சிகளை அதிகப்படுத்தியுள்ளதாகச் சொல்கிறார்கள்.

இன்றும் நாளையும் விடுமுறை தினம் என்பதால் 'விடுதலை' படத்தில் வசூல் இன்னும் அதிகமாக இருக்கும் என்கிறார்கள். சூரி கதாநாயகனாக நடித்த முதல் படம் முன்னணி கதாநாயகனாக சிம்பு நடித்த படத்துடன் போட்டி போட்டு முன்னேறி வருவது திரையுலகத்தினரை ஆச்சரியப்படுத்தியுள்ளது.

படத்தின் கதைதான் எப்போதுமே 'கிங்' என்பதை 'விடுதலை' படம் மீண்டும் புரிய வைத்துள்ளது என்பதுதான் பலரது கருத்தாக உள்ளது.

• 
  ரங்தே பசந்தி 20ம் வருட நிறைவு : படக்குழுவினருடன் சேர்ந்து கொண்டாடிய ...
• 
  துரந்தர் 2 படத்தில் சிறப்பு தோற்றத்தில் நடித்த விக்கி கவுசல், யாமி கவுதம்
• 
  கணவர் அபிஷேக் பச்சனுக்கு பிறந்தநாள் வாழ்த்து சொன்ன ஐஸ்வர்யா ராய்
• 
  ஆன்லைன் விளையாட்டு மோகத்தால் மூன்று இளம் பெண்கள் தற்கொலை ; சோனு சூட் ...
• 
  அனிமல் 2ம் பாகத்திற்கு அனிமல் பார்க் டைட்டில் ஏன் ? ; சந்தீப் ரெட்டி வங்கா ...

• 
  காதலர் தினத்தில் வெளியாகும் சீதா பயணம் படத்திற்கு யு சான்றிதழ்
• 
  ரஜினி, கமல் இணையும் படம் : மகள்கள் பங்கு இருக்குமா?
• 
  உயிருள்ளவரை உஷா ரீ ரிலீஸ் : வாய்ஸ் கொடுப்பாரா சிம்பு
• 
  ரஜினிகாந்த் பாராட்டினார்: 'வித் லவ்' காவ்யா நெகிழ்ச்சி
• 
  'ஜனநாயகன்' பிப்ரவரியில் ரிலீசா?