Dinamalar

ரஜினியின் 170வது படம் அறிவிப்பு : இவர் தான் இயக்குனர்

நெல்சன் இயக்கத்தில் ‛ஜெயிலர்' படத்தில் நடித்து வருகிறார் ரஜினிகாந்த். இதில் தமன்னா, சிவராஜ் குமார், யோகிபாபு, சுனில் உள்ளிட்ட பல திரைப்பிரபலங்கள் நடித்து வருகின்றனர். அனிருத் இசையமைக்கிறார். இந்த படத்தின் படப்பிடிப்பு இறுதிக்கட்டத்தை எட்டி உள்ளது. இதையடுத்து ரஜினியின் அடுத்த பட அறிவிப்பை வெளியிட்டுள்ளனர்.

லைகா நிறுவனத்திற்கு ரஜினி இரண்டு படங்களில் நடிக்க உள்ளார். அதில் ஒன்று அவரது மகள் ஐஸ்வர்யா இயக்கும் லால் சலாம் படத்தில் சிறப்பு வேடத்தில் நடிக்கிறார். இதற்கான அறிவிப்பு வெளியாகி சில மாதங்களுக்கு முன் பட பூஜையும் நடந்தது. விரைவில் படப்பிடிப்பு துவங்க உள்ளது. தற்போது ரஜினி ஹீரோவாக நடிக்கும் பட அறிவிப்பை லைகா நிறுவனம் வெளியிட்டுள்ளது.

ரஜினியின் 170வது படமாக உருவாகும் இதை ‛ஜெயம் பீம்' படத்தை இயக்கிய ஞானவேல் இயக்குகிறார். அனிருத் இசையமைக்கிறார். லைகாவின் சுபாஸ்கரன் தயாரிக்கிறார். லைகா தயாரிப்பில் ரஜினி ஹீரோவாக நடிக்கும் 3வது படம் இதுவாகும்.

லைகா வெளியிட்ட செய்தியில், ‛‛சூப்பர் ஸ்டாரின் ஒவ்வொரு திரைப்பட வெளியிடும் ரசிகர்களுக்கு கொண்டாடும் திருவிழா தான். அவருடன் மீண்டும் இணைவதில் லைகா பெருமை கொள்கிறது. அனைவரின் வாழ்த்துகளுடன் 2024ல் மாபெரும் கொண்டாட்டத்திற்கு தயாராவோம்'' என தெரிவித்துள்ளனர்.

• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...
• 
  பிக் பாஸ் ஹிந்தி சீசன் 19ல் புதிய மாற்றங்கள்
• 
  77 லட்சம் மோசடி செய்ததாக நடிகை ஆலியா பட்டின் முன்னாள் பெண் உதவியாளர் கைது

• 
  சிவகார்த்திகேயன் 24வது படம் தள்ளிப்போகிறதா?
• 
  தனுஷ் 54வது படத்தில் இணைந்தது குறித்து பிரித்வி பாண்டியராஜன் நெகிழ்ச்சி!
• 
  'லியோ'வில் என்னை வீணாக்கினார் லோகேஷ் : சஞ்சய் தத் கமெண்ட்
• 
  68 வயதில் 3 நடிகைகளுடன் டான்ஸ் : கெட்ட ஆட்டம் போட்ட மொட்ட ராஜேந்திரன்
• 
  ஆடி வெள்ளி ரீமேக்கில் நயன்தாராவுக்கு பதில் திரிஷா