இரு மொழிகளிலும் வாகை சூடுவாரா வாத்தி தனுஷ் ?

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

இரு மொழிகளிலும் 'வாகை' சூடுவாரா 'வாத்தி' தனுஷ் ?

14 பிப், 2023 - 10:35 IST

எழுத்தின் அளவு:

தமிழ் சினிமாவின் முன்னணி நடிகர்களில் தனுஷும் முக்கியமானவர். மற்ற கதாநாயகர்களைப் போல அல்லாமல் ஹிந்தி, பிரெஞ்ச், ஆங்கிலம் என அவர் பதித்துள்ள தடம் வேறு. முதல் முறையாக தெலுங்கில் நேரடிப் படம் ஒன்றில் கதாநாயகனாக நடித்துள்ளார்.

தமிழில் 'வாத்தி', தெலுங்கில் 'சார்' என இரண்டு மொழிகளில் தனித்தனியே எடுக்கப்பட்டுள்ள படத்தில் கதாநாயகனாக நடித்துள்ளார். தெலுங்கு இயக்குனரான வெங்கி அட்லூரி இயக்கியுள்ள இந்தப் படம் இந்த வாரம் பிப்ரவரி 17ம் தேதி வெளியாகிறது.

தமிழ் நடிகர்கள் கடந்த சில ஆண்டுகளில் அதிகமான தெலுங்குப் படங்களில் நடித்து வருகிறார்கள். கடந்தாண்டு சிவகார்த்திகேயன் நடித்த 'பிரின்ஸ்' படம் தமிழில் நேரடியாக படமாக்கப்பட்டு தெலுங்கில் டப்பிங் ஆகி ஒரே நாளில் வெளியானது. ஆனால், இரண்டு மொழிகளிலும் தோல்வியடைந்தது. இந்த பொங்கலுக்கு விஜய் நடித்த 'வாரிசு', அஜித் நடித்த 'துணிவு' ஆகிய படங்கள் தெலுங்கிலும் டப்பிங் ஆகி வெளியாகின, அவையும் பெரிதாக அங்கு ஓடவில்லை. அவையெல்லாம் டப்பிங் படங்களாகவே வெளியாகின.

அதேசமயம் 'வாத்தி, சார்' இரண்டும் தனித் தனியாக அந்தந்த மொழிகளில் நேரடியாக படமாக்கப்பட்டு வெளியாக உள்ளன. தமிழ், ஹிந்தி, பிரெஞ்ச், ஆங்கிலம் மொழிகளில் தடம் பதித்துள்ள தனுஷ் தெலுங்கிலும் வெற்றி பெறுவாரா என்பது சில நாட்களில் தெரிந்துவிடும்.

Vaathi

Dhanush

Dhanushkraja

Samyuktha

கருத்துகள் (0) கருத்தைப் பதிவு செய்ய

பிரதமர் மோடியை சந்தித்த கன்னட ...

குழந்தைகளை பார்க்க நயன்தாராவின் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய