Dinamalar

தெலுங்கு திரையுலக அழுத்தத்திற்குப் பணிந்த 'வாரிசு' தயாரிப்பாளர்

தெலுங்கு தயாரிப்பாளரான தில் ராஜு தயாரிப்பில், தெலுங்கு இயக்குனரான வம்சி பைடிப்பள்ளி இயக்கத்தில் விஜய், ராஷ்மிகா மந்தனா மற்றும் பலர் நடித்துள்ள படம் 'வாரிசு. தெலுங்கில் 'வாரிசுடு' என்ற பெயரில் டப்பிங் ஆகியுள்ள இப்படம் ஜனவரி 14ம் தேதி வெளியாக உள்ளதாக அதன் தயாரிப்பாளர் தில் ராஜு தற்போது ஐதராபாத்தில் நடந்து வரும் படத்தின் பிரஸ் மீட்டின் போது அறிவித்துள்ளார்.

அப்போது பேசிய அவர் தனது 'வாரிசுடு' படம் எந்த ஒரு படத்திற்கும் போட்டியல்ல. சிரஞ்சீவி, பாலகிருஷ்ணா படங்களுடன் இந்தப் படம் போட்டியில்லை. தெலுங்கு திரையுலகத்தினரின் ஆலோசனைப்படி படத்தை ஜனவரி 14ம் தேதி வெளியிடுகிறோம் என்று கூறினார்.

தெலுங்கில் நேரடிப் படங்களுக்குத்தான் அதிக தியேட்டர்கள் தர வேண்டும் என்று கடந்த சில மாதங்களாகவே சர்ச்சை எழுந்து வந்தது. பாலகிருஷ்ணா, சிரஞ்சீவி படங்கள் முதல் சில நாட்கள் நல்ல வசூலைப் பெறும் நிலையில் 'வாரிசுடு' படத்தின் வெளியீட்டை தில் ராஜு தள்ளி வைத்துள்ளதாக டோலிவுட் வட்டாரங்கள் தெரிவிக்கின்றன.

பாலகிருஷ்ணாவின் 'வீர சிம்ஹா ரெட்டி' படம் ஜனவரி 12ம் தேதியும், சிரஞ்சீவியின் 'வால்டர் வீரய்யா' படம் ஜனவரி 13ம் தேதியும் வெளியாக உள்ளது.

'வாரிசுடு' படம் ஜனவரி 14ம் வெளியாக உள்ள நிலையில் தெலுங்கில் 'துணிவு' படத்தின் டப்பிங்கான 'தெகிம்பு' படம் ஜனவரி 11ம் தேதியே வெளியாகிறது என்பது குறிப்பிடத்தக்கது.

• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...
• 
  கணவர் மீது புகார் அளித்துள்ள செலினா ஜெட்லி
• 
  ஜோசப் ரீமேக்கை பார்க்காமலேயே தர்மேந்திரா மறைந்து விட்டார் : மலையாள ...
• 
  ஹிந்தியில் மீண்டும் தடம் பதிப்பாரா தனுஷ்?
• 
  சினிமா டூ அரசியல் : பாலிவுட்டின் ‛ஹீ மேன்' தர்மேந்திராவின் வாழ்க்கை ...

• 
  சிரஞ்சீவி ரசிகர்களிடம் மன்னிப்பு கேட்ட கீர்த்தி சுரேஷ்!
• 
  லாக் டவுன் டிரைலர் வெளியானது
• 
  நடிகைகள் அம்பிகா, ராதாவின் தாயார் காலமானார்
• 
  பிரபுவுக்கு ஜோடியாக மஞ்சு வாரியர் நடித்து ஒரு பாடல் படப்பிடிப்புடன் ...
• 
  ‛அஞ்சான்' ரீ ரிலீஸில் வெற்றி பெற்றால் அஞ்சான் 2 உருவாகும் : லிங்குசாமி