Dinamalar

புது இசைக் கூட்டணியில் விஜய், அஜித்

தமிழ் சினிமாவின் இன்றைய முன்னணி ஹீரோக்களில் முக்கியமானவர்களாக இருக்கும் விஜய், அஜித் இருவரும் 2023 பொங்கலுக்கு நேரடியாக மோத உள்ளார்கள். விஜய் நடித்துள்ள 'வாரிசு', அஜித் நடித்துள்ள 'துணிவு' படங்களுக்கு இடையே ஒரு முக்கிய ஒற்றுமை உள்ளது. 'வாரிசு' படத்தின் மூலம் விஜய் நடிக்கும் ஒரு படத்திற்கு இசையமைப்பாளர் தமன் இசையமைத்துளளார். 'துணிவு' படத்தின் மூலம் அஜித் நடிக்கும் ஒரு படத்திற்கு இசையமைப்பாளர் ஜிப்ரான் இசையமைத்துள்ளார்.

விஜய், அஜித் இருவருமே இப்படி புதிய இசைக் கூட்டணியுடன் பயணிப்பது ஒரு ஆச்சரிய ஒற்றுமை. தமன் இசையமைப்பாளராக அறிமுகமாகி 13 வருடங்கள் ஆகிவிட்டது. ஜிப்ரான் இசையமைப்பாளராக அறிமுகமாகி 11 வருடங்கள் ஆகியுள்ளது. இத்தனை வருடங்களுக்குப் பிறகுதான் முன்னணி ஹீரோக்களுக்கு இசையமைக்கும் வாய்ப்பு அவர்களுக்குக் கிடைத்துள்ளது. அஜித் நடித்து வெளிவந்த 'வலிமை' படத்திற்கு ஜிப்ரான் பின்னணி இசையமைத்திருந்தாலும் பாடல்களுக்கும் சேர்த்து அஜித் படத்திற்கு இசையமைப்பது இதுவே முதல் முறை.

'வாரிசு, துணிவு' இரண்டு படங்களின் பாடல்களும் வெளிவந்து ரசிகர்களின் வரவேற்பைப் பெற்று வருகின்றன. படம் வெளியாகும் போது அந்த வரவேற்பு எப்படி அமையப் போகிறது என்பதைத் தெரிந்து கொள்வதற்கு இன்னும் இரண்டு வாரங்கள் காத்திருக்க வேண்டும்.

• 
  ஐஸ்வர்யா ராயை தொடர்ந்து அபிஷேக் பச்சன் வழக்கு: புகைப்படத்தை பயன்படுத்த ...
• 
  மகளின் முதல் பிறந்தநாளை கொண்டாடிய ரன்வீர் சிங் - தீபிகா படுகோனே
• 
  அனுமதியின்றி தன் பெயர், படத்தை பயன்படுத்தக்கூடாது: ஐஸ்வர்யா ராய் வழக்கு
• 
  'பாகுபலி' தயாரிப்பாளர்களை கடுமையாகப் பேசிய போனி கபூர்
• 
  நஷ்டத்துடன் ஓட்டத்தை முடிக்கும் 'வார் 2'

• 
  தீனா படத்திற்கு பிறகு மதராஸி படத்தில் வேண்டுதலை நிறைவேற்றிய ...
• 
  சிரஞ்சீவி - நயன்தாரா படக்குழுவை சந்தித்த விஜய் சேதுபதி படக்குழு
• 
  என் அழகான ஜென்டில்மேன் நடிகரே : ரவி மோகனை வாழ்த்திய சுதா கெங்கரா!
• 
  நயன்தாரா ஆவணப்படம் வழக்கு : பதில் மனு தாக்கல் செய்ய உத்தரவு
• 
  2 ஆண்டுகளுக்கு பிறகு உருவாகியுள்ள மிடில் கிளாஸ்