'இட்லி கடை' தள்ளிப் போக இதுதான் காரணமா ? | பிருத்விராஜிற்கு வருமான வரித்துறை நோட்டீஸ் | எம்புரான் தயாரிப்பாளர் கோகுலம் நிறுவனத்தில் ரூ.1.5 கோடி பறிமுதல் | மலையாளத்தில் வசூல் நம்பர் 1 இடத்தைப் பிடித்த 'எல் 2 எம்புரான்' | சினிமா டிக்கெட் : உள்ளாட்சி கேளிக்கை வரி குறைக்க அரசு முடிவு ? | கூலி, இட்லி கடை - ஏட்டிக்குப் போட்டியான அறிவிப்பா? | ஆண்கள் மட்டும்தான் லுங்கி அணிய வேண்டுமா ? | கேத்ரின் தெரசாவின் பனி | இறுதி கட்டத்தில் ஐஸ்வர்யா ராஜேஷ் படம் | பிளாஷ்பேக்: எம்.ஜி.ஆர் நடிக்க விரும்பிய படத்தில் நடித்த ரஜினி |
பிரதீப் ரங்கநாதன் இயக்கம் நடிப்பில் தமிழில் வெளிவந்த படம் 'லவ் டுடே'. இவானா, சத்யராஜ், ராதிகா, யோகி பாபு, ரவீனா மற்றும் பலர் நடித்த இந்தப் படம் தமிழில் பெரும் வெற்றியைப் பெற்றது. சுமார் 10 கோடி ரூபாய் செலவில் தயாராகி 70 கோடி வரை இந்தப் படம் வசூலித்துள்ளது. இப்படத்தைத் தெலுங்கில் டப்பிங் செய்து அதே பெயரில் நேற்று வெளியிட்டார்கள்.
விஜய் நடிக்கும் 'வாரிசு' படத்தைத் தயாரித்து வரும் பிரபல தெலுங்கு தயாரிப்பாளர் தில் ராஜு தான் இப்படத்தைத் தெலுங்கில் வெளியிட்டுள்ளார். ஒரு நேரடி தெலுங்குப் படம் போல படத்தை அவர் விளம்பரப்படுத்தினார். நேற்று முதல் நாள் முதல் காட்சியிலிருந்தே படத்திற்கு ரசிகர்களிடம் வரவேற்பு கிடைத்து வருவதாக அங்கிருந்து வரும் தகவல்கள் தெரிவிக்கின்றன. மேலும், விமர்சனங்களும் படத்திற்கு பாசிட்டிவ்வாக வருவதால் இந்தப் படம் தெலுங்கிலும் குறிப்பிடத்தக்க வசூலைப் பெறும் என எதிர்பார்க்கப்படுகிறது.
நேற்று வெளியான சில நேரடி தெலுங்குப் படங்களைக் காட்டிலும் 'லவ் டுடே' படத்தின் முதல் நாள் வசூல் அதிகமாக இருந்ததாகச் சொல்கிறார்கள். இன்றும் நாளையும் விடுமுறை நாள் என்பதால் இந்த இரண்டு நாட்களிலேயே படம் லாபத்தில் சென்று விட வாய்ப்புள்ளதாம்.