Dinamalar

காதல் படப்பிடிப்பை நிறைவு செய்த ஜோதிகா

36 வயதினிலே படம் மூலம் சினிமாவில் மீண்டும் வெற்றிகரமாக மறுபிரவேசம் செய்த ஜோதிகா, தொடர்ந்து தனக்கு தோதான சில கதைகளையும் கதாபாத்திரங்களையும் தேர்வு செய்து நடித்து வருகிறார். அந்த வகையில் மலையாளத்தில் கடந்த ஆண்டு வெளியாகி வெற்றியை பெற்ற தி கிரேட் இண்டியன் கிச்சன் என்கிற படத்தின் தமிழ் ரீமேக்கில் ஜோதிகாவை நடிக்க வைக்க முயற்சித்தார் அந்த படத்தின் இயக்குனர் ஜியோ பேபி. ஆனால் சில காரணங்களால் அது கைகூடாமல் போய், அதில் ஐஸ்வர்யா ராஜேஷ் கதாநாயகியாக நடித்துள்ளார்.

இந்த நிலையில் அதே இயக்குனர் தற்போது தான் மலையாளத்தில் மம்முட்டியை வைத்து இயக்கியுள்ள 'காதல் : தி கோர்' என்கிற படத்தில் ஜோதிகாவை அழைத்துச் சென்ற கதாநாயகியாக நடிக்க வைத்துள்ளார். கடந்த அக்டோபர் 27ம் தேதி முதல் இந்த படத்தின் படப்பிடிப்பில் கலந்து கொண்டு நடித்து வந்த ஜோதிகா, ஒரேகட்டப் படப்பிடிப்பாக இந்த படத்தில் தனது காட்சிகளை முடித்து கொடுத்து நிறைவு செய்துள்ளார்.

கடந்த இரண்டு தினங்களுக்கு முன்புதான் இந்தப் படத்தின் நாயகன் மம்முட்டி இந்த படப்பிடிப்பை நிறைவு செய்து படக்குழுவினருக்கு பிரியாணி விருந்தளித்து விடைபெற்றார். இந்த நிலையில் இன்று ஜோதிகாவும் காதல் படக்குழுவினரிடம் விடைபெற்று கிளம்பியுள்ளார்.

• 
  அருந்ததி படம் ஹிந்தியில் ரீமேக் ஆகுவது உறுதி!
• 
  அமெரிக்காவில் ஜாக்கி சானுடன் ஹிருத்திக் ரோஷன் சந்திப்பு
• 
  மீண்டும் ரா ஏஜென்ட் கபீர் ரோலில் ஹிருத்திக் ரோஷன்
• 
  ஹிந்தி நடிகர் சதீஷ் ஷா காலமானார்
• 
  பவர்புல்லான சவுண்ட் ஸ்டோரி : விவேக் ஓபராய்

• 
  விக்ரம் 63வது படத்தை இயக்கும் அறிமுக இயக்குனர்
• 
  என்னுடைய டேஸ்ட்டே வேற! சொல்கிறார் ஸ்ரீ லீலா
• 
  கவுரி கிஷனின் பேராசை
• 
  திரையரங்குகளில் வசூலை வாரி குவிந்த படங்கள்....இந்த வார ஓடிடி ரிலீஸ்.......!
• 
  மாத செலவுக்கு ரூ.6.5 லட்சம் மாதம்பட்டி ரங்கராஜ் தர வேண்டும்; ஜாய் ...