Dinamalar

அரபு நாடுகளில் மோகன்லாலின் மான்ஸ்டர் படம் வெளியிட தடை ?

மலையாளத்தில் மோகன்லால் நடிப்பில் வரும் அக்டோபர் 21ம் தேதி தீபாவளி வெளியீடாக ரிலீசாகவிருக்கும் படம் 'மான்ஸ்டர்'. கடந்த 2016ல் மோகன்லாலை வைத்து புலிமுருகன் என்கிற சூப்பர்ஹிட் படத்தை இயக்கிய இயக்குனர் வைசாக் மீண்டும் அவருடன் கூட்டணி சேர்ந்துள்ள படம் இது என்பதால் படத்திற்கான எதிர்பார்ப்பு மிகவும் அதிகமாக இருக்கிறது.

இந்த படத்திற்கான முன்பதிவு ஆரம்பித்துள்ள நிலையில் இந்த படம் அரபு நாடுகளில் வெளியிட தடை விதிக்கப்பட்டுள்ளதாக தற்போது ஒரு தகவல் வெளியாகி உள்ளது. அதற்கு காரணம் இந்தப்படத்தில் ஓரினச்சேர்க்கையாளர்கள் குறித்த விஷயம் படத்தில் மையமாக இடம் பெற்றுள்ளது என்றும் இதுபோன்ற விஷயங்களை கொண்ட படங்களுக்கு அரபு நாடுகளில் வெளியிட தடை இருப்பதாகவும் சொல்லப்படுகிறது.

மோகன்லால் ஒரு பேட்டியில் கூறும்போது கூட மலையாள சினிமாவில் இது ஒரு துணிச்சலான முதல் முயற்சி என்று சொல்லலாம் என படம் குறித்து சூசகமான ஒரு தகவலை கூறியிருந்தார். ஒருவேளை அவர் இதுபற்றித்தான் குறிப்பிட்டிருப்பார் போலும். தற்போது அரபு நாடுகளில் இந்த படம் வெளியிட தடை விதிக்கப்பட்டுள்ள நிலையில் ஏற்கனவே முன்பதிவு செய்யப்பட்ட காட்சிகளை நிவின்பாலி நடிப்பில் அதே தேதியில் வெளியாக இருக்கும் படவேட்டு படத்திற்காக திரையரங்குகள் ஒதுக்கியுள்ளதாக இன்னொரு தகவலும் வெளியாகியுள்ளது.

இருந்தாலும் தயாரிப்பாளர் தரப்பில் இருந்து மறு சென்சார் செய்து படத்தை வெளியிடுவதற்கான முயற்சிகள் எடுக்கப்பட்டு வருவதாகவும் சொல்லப்படுகிறது.

• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...
• 
  கணவர் மீது புகார் அளித்துள்ள செலினா ஜெட்லி
• 
  ஜோசப் ரீமேக்கை பார்க்காமலேயே தர்மேந்திரா மறைந்து விட்டார் : மலையாள ...
• 
  ஹிந்தியில் மீண்டும் தடம் பதிப்பாரா தனுஷ்?
• 
  சினிமா டூ அரசியல் : பாலிவுட்டின் ‛ஹீ மேன்' தர்மேந்திராவின் வாழ்க்கை ...

• 
  மலையாள சினிமாவில் முதன்முறையாக ஞாயிற்றுக்கிழமை வெளியாகும் படம்
• 
  மம்முட்டியின் 'களம்காவல்' புதிய ரிலீஸ் தேதி அறிவிப்பு
• 
  மகள் நடிக்கும் படப்பிடிப்பு தளத்திற்கு விசிட் அடித்த மோகன்லால் ; கெஸ்ட் ...
• 
  நடிகை பலாத்கார வழக்கில் டிசம்பர் 8ம் தேதி தீர்ப்பு: தண்டனையிலிருந்து ...
• 
  31 வருடங்களுக்கு பிறகு ரீ ரிலீஸிற்கு தயாராகும் சுரேஷ் கோபியின் கமிஷனர்