Dinamalar

பான் இந்தியா ஸ்டார் ஆக உயரும் சமந்தா

தமிழ், தெலுங்கில் முன்னணி நடிகையாக இருப்பவர் சமந்தா. திருமணத்திற்குப் பிறகும் தொடர்ந்து கதாநாயகியாக சில வெற்றிப் படங்களில் நடித்தவர். காதல் கணவர் நாக சைதன்யாவைப் பிரிந்த பிறகும் அவரது இமேஜ் மாறவில்லை. மாறாக, முன்பை விட இப்போதுதான் தனக்கான இமேஜை இன்னும் அதிகமாக உயர்த்தி வருகிறார்.

கடந்த வருடம் வெளிவந்த 'த பேமிலி மேன் சீசன் 2' வெப் தொடர் அவரை இந்திய அளவில் ரசிகர்களிடம் கொண்டு போய் சேர்த்தது. அதற்குப் பிறகு நேரடி ஹிந்திப் படங்களிலும் நடிக்க அவர் முயற்சித்து வந்தார். கடந்த சில வாரங்களாக அவருக்கு பழையபடி தோல் சம்பந்தமான பிரச்சினை ஏற்பட்டு சிகிச்சையில் இருந்ததாக செய்திகள் வெளிவந்தன. அதனால், அவர் நடித்து வரும் 'குஷி' படத்தின் படப்பிடிப்பில் கூட கலந்து கொள்வதைத் தவிர்த்து வந்தார்.

தெலுங்கில் அவர் நடித்து முடித்துள்ள 'ஷாகுந்தலம், யசோதா' ஆகிய படங்கள் பான் இந்தியா படங்களாக வெளிவர உள்ளன. 'ஷாகுந்தலம்' படத்தின் வெளியீட்டை அறிவித்துவிட்டு பிறகு 3 டியில் வெளியிட திட்டமிட்டு தள்ளி வைத்தனர். இந்நிலையில் 'யசோதா' படத்தின் வெளியீட்டை நேற்று அறிவித்தனர். தெலுங்கு, தமிழ், கன்னடம், மலையாளம், ஹிந்தி ஆகிய மொழிகளில் இப்படம் வெளியாக உள்ளது. இதற்குப் பிறகு 'ஷாகுந்தலம்' படமும் அதே போல பான் இந்தியா படமாகவே வெளிவர உள்ளது.

இன்றைய மற்ற முன்னணி கதாநாயகிகளைக் காட்டிலும் சமந்தாவின் இரண்டு படங்கள் அடுத்தடுத்து பான் இந்தியா படங்களாக வெளிவர உள்ளதால் அவர் பான் இந்தியா ஸ்டார் அந்தஸ்தைப் பெறுகிறார்.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா