Dinamalar

சத்யராஜை வேண்டாமென்ற பிரின்ஸ் பட இயக்குனர்

சிவகார்த்திகேயன் நடிப்பில் வரும் தீபாவளி வெளியீடாக பிரின்ஸ் திரைப்படம் வெளியாக இருக்கிறது. முதன்முறையாக சிவகார்த்திகேயனின் நேரடி தெலுங்கு படமாக உருவாகியுள்ளது, என்றாலும் தெலுங்கு, தமிழ் இரண்டு மொழிகளுக்கும் ஏற்ற வகையில் தான் இந்த படம் உருவாகி உள்ளது. இயக்குனர் அனுதீப் இயக்கியுள்ள இந்தப்படத்தில் முக்கிய கதாபாத்திரத்தில் சிவகார்த்திகேயனின் தந்தையாக சத்யராஜ் நடித்துள்ளார். ஏற்கனவே வருத்தப்படாத வாலிபர் சங்கம் படத்தில் இவர்கள் கூட்டணி வரவேற்பை பெற்றது மறுக்க முடியாத உண்மை.

அதேசமயம் இந்த படத்தில் சத்யராஜ் கதாபாத்திரம் பற்றி சிவகார்த்திகேயனிடம் இயக்குனர் அனுதீப் கூறியபோது, அதற்கு அவர் தான் பொருத்தமாக இருப்பார் என சிவகார்த்திகேயன் கூறியுள்ளார். ஆனால் பாகுபாலியில் கட்டப்பா போன்ற கதாபாத்திரத்தில் நடித்த சத்யராஜ் இந்த கதாபாத்திரத்திற்கு சரிப்பட்டு வரமாட்டார் என அனுதீப் சிவகார்த்திகேயனிடம் மறுப்பு தெரிவித்தாராம். ஆனால் நீங்கள் கட்டப்பா சத்யராஜை மட்டும்தான் பார்த்துள்ளீர்கள்.. இங்கே தமிழில் நடிகன், பங்காளி, அமைதிப்படை என கலக்கிய சத்யராஜை நீங்கள் பார்த்தது இல்லை என்று நினைக்கிறேன் என்று கூறி அவரை சமாதானம் செய்து சத்யராஜை இந்த கதாபாத்திரத்தில் நடிக்க அழைத்து வந்தாராம் சிவகார்த்திகேயன்.

இந்த தகவலை பிரின்ஸ் பட புரமோஷன் நிகழ்ச்சியில் கலந்து கொண்டு மேடையில் பேசியபோது சத்யராஜே தெரிவித்தார். அவர் அப்படி தன்னை வேண்டாம் என இயக்குனர் அனுதீப் சொன்னதாக கூறியபோது, கீழே அமர்ந்திருந்த அனுதீப் அவசரமாக கைகளை ஆட்டி தான் அப்படி சொல்லவில்லை என மறுத்தது பார்ப்பதற்கு வேடிக்கையாக இருந்தது..

• 
  சிறையில் இருக்கும் நடிகை ரன்யா ராவின் வளர்ப்பு தந்தைக்கு மீண்டும் ...
• 
  அவுட்டோர்களுக்கும் தலையணையுடன் பயணிக்கும் ஜான்வி கபூர்
• 
  ‛தி இன்டர்ன்' பட ரீமேக்கில் இருந்து விலகிய தீபிகா படுகோனே
• 
  காதல் கிசுகிசு எதிரொலி: கிரிக்கெட் வீரர் முகமது சிராஜிக்கு ராக்கி கட்டிய ...
• 
  ஜனநாயகன் படப்பிடிப்பு தளத்துக்கு திரண்ட ரசிகர்கள் : பாபி தியோல் ஆச்சரிய ...

• 
  மைக்கை வைத்துவிட்டு வெளியேறட்டுமா? : வார் 2 விழாவில் டென்ஷனான ஜூனியர் ...
• 
  பிளாஷ்பேக்: திரைக்கதை வசனம் எழுதிய ரஜினி; வெள்ளித்திரையில் மின்னத் தவறிய ...
• 
  அபினய்-க்கு உதவிய தனுஷ்
• 
  இந்தியாவில் முதல் நாளில் வசூலைக் குவித்த படங்கள்
• 
  துருவ் விக்ரம் படத்தில் மூன்று கதாநாயகிகள்?