Dinamalar

பாங்காக் பறந்தார் அஜித்

வினோத் இயக்கத்தில் அஜித் மூன்றாவது முறையாக இணைந்துள்ள படம் ‛துணிவு'. நாயகியாக மஞ்சு வாரியர் நடிக்கிறார். முக்கிய வேடத்தில் சமுத்திரகனி நடிக்கிறார். வங்கி கொள்ளை தொடர்பான கதையில் உருவாகும் இதன் படப்பிடிப்பு இறுதிக்கட்டத்தை எட்டி உள்ளது.

சமீபத்தில் இந்த படப்பிடிப்புக்கு ஓய்வு கொடுத்துவிட்டு லடாக் பகுதிகளில் தனது பைக் குழுவினர் உடன் சுற்றுபயணம் மேற்கொண்டார் அஜித். அது தொடர்பான போட்டோக்கள், வீடியோக்கள் தினமும் வெளியாகி வைரலாகி வந்தன. சில தினங்களுக்கு முன்னர் பட தலைப்பான துணிவு அறிவிக்கப்பட்டு ரசிகர்களால் கொண்டாடப்பட்டது.

இந்நிலையில் துணிவு படத்தின் இறுதிக்கட்ட படப்பிடிப்புக்காக அஜித், மஞ்சு வாரியர் பாங்காக் புறப்பட்டு சென்றனர். இதுதொடர்பான வீடியோக்கள் வெளியாகி உள்ளன. பாங்காக்கில் அதிரடியான பைக் ஸ்டன்ட் காட்சி படமாக்கப்பட இருப்பதாக கூறப்படுகிறது. இதோடு துணிவு படத்தின் மொத்த படப்பிடிப்பும் முடிவடையும் என தெரிகிறது. டிசம்பர் மாத இறுதியில் அல்லது பொங்கலுக்கு படம் வெளியாக வாய்ப்புள்ளது.

• 
  மும்பையில் உள்ள அபார்ட்மென்ட்டை குறைந்த லாபத்திற்கு விற்ற சோனு சூட்
• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...
• 
  புதுமுகங்கள் நடித்த 'மன்னு க்யா கரேகா' டிரைலர் வெளியீடு

• 
  ஓங்கி குத்த வேண்டும் : விஜய் பேச்சால் நடிகர் ரஞ்சித் ஆவேசம்
• 
  ரூ. 300 கோடி வசூல் சாதனை படைத்த மகாவதார் நரசிம்மா
• 
  அறிவழகன் இயக்கத்தில் அதிதி ஷங்கர்
• 
  மிஷ்கின் இயக்கத்தில் கீர்த்தி சுரேஷ்
• 
  நடிகர்களுக்கு எதிராக செய்யப்படும் 'பெய்டு விமர்சனம்' : தமிழ் ...