Dinamalar

வெளியானது தெலுங்கு பிக்பாஸ் சீசன் 6 புரோமோ, தமிழில் எப்போது ?

இந்தியத் தொலைக்காட்சிகளில் ஒளிபரப்பாகும் முக்கியமான ரியாலிட்டி ஷோக்களில் ஒன்று பிக்பாஸ். தமிழ், தெலுங்கில் ஆறு வருடங்களுக்கு முன்பு இந்நிகழ்ச்சி ஒளிபரப்பாக ஆரம்பித்தது. தெலுங்கில் கடந்த மூன்று சீசன்களையும் நடிகர் நாகார்ஜுனா தொகுத்து வழங்கினார். அடுத்து ஒளிபரப்பாக உள்ள ஆறாவது சீசனையும் அவரே தொகுத்து வழங்க உள்ளார். அதற்கான புரோமோ வெளியானது.

விரைவில் ஆரம்பமாக உள்ள இந்த நிகழ்ச்சிக்கான போட்டியாளர்கள் தேர்வு முடிந்துவிட்டதாகத் தெரிகிறது. கடந்த சீசன்களைப் போலவே இந்த சீசனிலும் பரபரப்பான போட்டியாளர்கள் தேர்வு செய்யப்பட்டுள்ளதாகத் தெரிகிறது. முந்தைய சீசன்களை விட இந்த சீசனில் சில மாற்றங்களை எதிர்பார்க்கலாம் என்கிறார்கள்.

தமிழில் கடந்த ஐந்து சீசன்களையும் நடிகர் கமல்ஹாசன்தான் தொகுத்து வழங்கினார். அடுத்து ஆறாவது சீசனையும் அவரே தொகுத்து வழங்க உள்ளார். தெலுங்கில் புரோமோ வரை வந்துவிட்டார்கள். ஆனால், தமிழ் பிக்பாஸ் பற்றி எந்த ஒரு தகவலும் இதுவரை வெளியாகவில்லை. விரைவில் இது பற்றிய அறிவிப்பு வரலாம் எனத் தெரிகிறது.

'விக்ரம்' படத்தின் மாபெரும் வெற்றிக்குப் பிறகு கமல்ஹாசன் அடுத்தடுத்து சில படங்களில் நடிக்க உள்ளார், சில படங்களைத் தயாரிக்க உள்ளார். இரண்டு வருடங்களாக நின்று போன 'இந்தியன் 2' படமும் மீண்டும் ஆரம்பமாக உள்ளது. அவற்றிற்கிடையில் அவர் பிக் பாஸ் நிகழ்ச்சிக்கு எப்படி நேரத்தை ஒதுக்குவார் என்றும் கேள்வி எழுந்துள்ளது.

• 
  என் வாழ்க்கையில் திருப்புமுனையை ஏற்படுத்தியவர் ரஜினிகாந்த் ; பாலிவுட் ...
• 
  மகா காலேஸ்வரர் கோவிலில் தரிசனம் செய்த சாரா அர்ஜுன்
• 
  மும்பை திரையரங்குகளில் 300 கோடியை தாண்டிய முதல் இந்திய திரைப்படம் ...
• 
  'துரந்தர்-2 'படத்திற்கு தடைவிதிக்க : நீதிமன்றம் மறுப்பு
• 
  ரன்வீருக்கு 250 லுக், துரந்தருக்கு 10,000 உடைகள் : ஆடை வடிவமைப்பாளருக்கு நன்றி ...

• 
  பிளாஷ்பேக் : மகனை அறிமுகப்படுத்திய கேஎஸ் கோபாலகிருஷ்ணன்
• 
  ஏப்ரல் 17ல் 4 படங்கள் ரிலீஸ்
• 
  பிளஷ்பேக் : 2 வண்ண தொழில்நுட்பத்தில் தயாரான அதிசயப்பெண்
• 
  100 மில்லியன் பார்வைகளைக் கடந்த 'முட்ட கலக்கி'
• 
  'காக்கி சர்க்கஸ்' இயக்குனர் தான் என் காதலர் ; மனம் திறந்த நடிகை