Dinamalar

மன உளைச்சலில் உள்ளேன் : 'பாலிவுட்' நடிகை வெளிப்படை

மும்பை : 'கடுமையான துன்புறுத்தலுக்கும், மன உளைச்சலுக்கும் ஆளாகி உள்ளேன். 'பாலிவுட் மாபியா' கும்பலும், மஹாராஷ்டிரா அரசியல்வாதிகளுமே இதற்கு காரணம்' என நடிகை தனுஸ்ரீ தத்தா(38) பகிரங்கமாக குற்றஞ்சாட்டி உள்ளார்.

'பாலிவுட்' நடிகை தனுஸ்ரீ தத்தா 2003ல் நடந்த இந்திய அழகிப் போட்டியில் வெற்றி பெற்றார். பிரபஞ்ச அழகிப் போட்டியில் ஆறாவது இடம் பெற்றார். இவர், நடிகர் விஷால் நடிப்பில் வெளியான தீராத விளையாட்டு பிள்ளை படத்தின் வாயிலாக தமிழ் திரையுலகில் அறிமுகமானார். ஹிந்தியில் ஏராளமான திரைப்படங்களில் கதாநாயகியாக நடித்துள்ளார்.

இவர் சமீபத்தில் தன் சமூக ஊடகத்தில் பதிவு ஒன்றை வெளியிட்டார். அதன் விபரம்: ‛‛நான் கடுமையான துன்புறுத்தல்களுக்கும், மன உளைச்சலுக்கும் ஆளாகி உள்ளேன். தயவு செய்து யாராவது எனக்கு உதவுங்கள். கடந்த ஓராண்டாக என், 'பாலிவுட்' பட வாய்ப்புகள் தட்டிப் பறிக்கப்படுகின்றன.

என் வீட்டில் பணியாளாக இருந்த பெண் வாயிலாக நான் அருந்திய குடிநீரில், 'ஸ்டீராய்ட்ஸ்' உள்ளிட்ட சில மருந்துகளை கலந்து, என்னை மயக்க நிலையிலேயே சிலர் வைத்திருந்தனர். இதனால், பல்வேறு உடல்நலக் கோளாறுகளுக்கு ஆளானேன். இவர்களிடம் இருந்து கடந்த மே மாதம் தப்பி, மத்திய பிரதேசத்தின் உஜ்ஜயின் சென்றேன். அங்கு, என் கார் 'பிரேக்' பிடிக்காமல் இரண்டு முறை விபத்தில் சிக்கினேன். இதுவும் திட்டமிட்ட சதி தான்.

அங்கு இருந்தால் உயிருக்கு ஆபத்து என்பதால் மும்பை திரும்பினேன். தற்போது நான் வசிக்கும் அடுக்குமாடி குடியிருப்பிலும், என் வீட்டு வாசலிலும் அசாதாரண சம்பவங்கள் நிகழ்கின்றன.நான் உச்சக்கட்ட மன உளைச்சலில் உள்ளேன். இதனால் நிச்சயம் தற்கொலை செய்து கொள்ள மாட்டேன். இங்கு இருந்தபடி என் பொது வாழ்க்கையில் முன்பை விட உயர்ந்து காட்டுவேன். 'மீடூ' விவகாரத்தில் நான் குற்றஞ்சாட்டிய பாலிவுட் பிரபலங்கள் தான் இதை செய்கின்றனர்.

பாலிவுட் மாபியா மற்றும் மஹாராஷ்டிராவின் சில அரசியல்வாதிகள் சேர்ந்து என்னை துன்புறுத்துகின்றனர்.இவ்வாறு அதில் குறிப்பிட்டுள்ளார்.கடந்த 2008ல் ஹார்ன் ஓகே ப்ளீஸ் என்ற பாலிவுட் படத்தின் படப்பிடிப்பின் போது, நடிகர் நானா படேகர் தன்னை பாலியல் ரீதியாக துன்புறுத்தியதாக, நடிகை தனுஸ்ரீ தத்தா 2018ல் புகார் அளித்து இருந்தார்.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  முதல்வர் குடும்ப திருமணத்தில் தனுஷ், நயன்தாரா : முகத்தை திருப்பிக் கொண்டு ...
• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?