Dinamalar

ஏ.ஆர்.ரஹ்மானின் அடுத்தடுத்து 5 தமிழ் வெளியீடுகள்

தமிழ்த் திரையுலகத்தில் கடந்த 30 வருடங்களுக்கும் மேலாக முன்னணி இசையமைப்பாளர்களில் ஒருவராக இருப்பவர் ஏஆர் ரஹ்மான். இத்தனை வருடங்கள் ஆனாலும் குறைந்த படங்களுக்குத்தான் இசையமைப்பார். ஒரு வருடத்தில் அவர் இசையமைத்து வெளியாகும் தமிழ்ப் படங்கள் ஒரு சில தான் இருக்கும்.

ஆனால், 2022ம் ஆண்டின் அடுத்த ஆறு மாதங்களில் அவர் இசையமைப்பில் அடுத்தடுத்து ஐந்து படங்கள் வெளிவர உள்ளன. ஜுலை 15ம் தேதி பார்த்திபன் இயக்கம் நடிப்பில் 'இரவின் நிழல்', ஆகஸ்ட் 11ம் தேதி விக்ரம் நடிப்பில் 'கோப்ரா', செப்டம்பர் 15ம் தேதி சிலம்பரசன் நடிப்பில் 'வெந்து தணிந்தது காடு', செப்டம்பர் 30ம் தேதி மணிரத்னம் இயக்கத்தில் 'பொன்னியின் செல்வன்', டிசம்பர் 14ம் தேதி சிலம்பரசன் நடிக்கும் 'பத்து தல' ஆகிய ஐந்து படங்களின் வெளியீட்டுத் தேதிகள் அதிகாரப்பூர்வமாக அறிவிக்கப்பட்டுள்ளன. எனவே, அடுத்த அரையாண்டில் தமிழ்த் திரையிசையில் ஏஆர் ரஹ்மானின் ஆதிக்கம் தான் இருக்கப் போகிறது.

மேலும், சிவகார்த்திகேயன் நடித்துள்ள 'அயலான்' படத்திற்கும் இசையமைத்து வருகிறார். இந்தப் படம் தற்போது இறுதிக்கட்டப் பணியில் உள்ளது. இதற்கடுத்து உதயநிதி ஸ்டாலின் நடிக்கும் 'மாமன்னன்' படத்திற்கும் இசையமைத்து வருகிறார். இந்த இரண்டு படங்களும் இந்த ஆண்டில் வெளியாகுமா அல்லது அடுத்த ஆண்டு வெளியாகுமா என்பது பின்னர் தெரிய வரும்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  குழந்தைகளுக்கான அனிமேஷன் படம் 'கிகி & கொகொ'
• 
  அறிமுகப் படத்திலேயே 1000 கோடி, அதிர்ஷ்ட ஹீரோயினாக மாறிய சாரா
• 
  'ஏஐ' மூலம் யார் வேண்டுமானாலும் வயலின் இசைக்கலாம்: ஏ ஆர் ரஹ்மான்
• 
  போட்டி ரிலீஸ் : பிரபாஸின் பெருந்தன்மை, ரசிகர்கள் பாராட்டு
• 
  விமான நிலையத்தில் தடுமாறி விழுந்த விஜய்