Dinamalar

எம்ஜிஆர் பட கதை... ரஜினியின் டைட்டில் ; அசத்தும் நயன்தாரா பட இயக்குனர்

மலையாள திரையுலகில் பிரபல சீனியர் நடிகர் சீனிவாசனின் இளைய மகன் தயன் சீனிவாசன். இவர் இயக்குனர் வினித் சீனிவாசனின் தம்பியும் கூட. நடிகராக நடித்துக் கொண்டிருந்த இவர், கடந்த 3 வருடங்களுக்கு முன்பு நிவின்பாலி, நயன்தாரா நடித்த லவ் ஆக்சன் ட்ராமா என்கிற படத்தின் மூலம் இயக்குனராகவும் அறிமுகமானார். இந்த நிலையில் மீண்டும் நடிப்பை தொடர்ந்து வரும் தயன் சீனிவாசன், தற்போது ஜெயிலர் என்கிற படத்தில் கதாநாயகனாக நடித்துள்ளார்.

இந்த படத்தின் டைட்டில் போஸ்டர் தற்போது வெளியாகியுள்ளது. ரஜினிகாந்த் நடிப்பில் தமிழில் ஜெயிலர் என்கிற படம் உருவாக இருக்கிறது. என்றாலும் அதன் கதை என்ன என்பது இதுவரை யாருக்கும் தெரியாது. அதேசமயம் இந்த ஜெயிலர் படம் 1956 முதல் 1957 வரை ஒரு வருட காலகட்டத்தில் நடந்த உண்மைச் சம்பவத்தின் அடிப்படையில் உருவாகியுள்ளது.

இந்த படத்தில் ஜெயிலர் கதாபாத்திரத்தில் தயன் சீனிவாசன் நடித்துள்ளார். சிறையில் உள்ள 5 கைதிகளை தான் தங்கியிருக்கும் இடத்தில் வைத்து திருத்துவதற்கு முயற்சிக்கும் ஒரு வித்தியாசமான கதாபாத்திரமாக அது உருவாக்கப்பட்டுள்ளது. கடந்த பல வருடங்களுக்கு முன்பு தமிழில் பல்லாண்டு வாழ்க படத்தில் எம்ஜிஆர் நடித்த கதாபாத்திரம் போன்றது தான் இதுவும். அந்த வகையில் எம்ஜிஆர் படக்கதை, ரஜினி பட டைட்டில் என அசத்துகிறார் நடிகர் தயன் சீனிவாசன்.

• 
  ஷாருக்கான் குறித்து நெகிழும் பிரியாமணி
• 
  பழம்பெரும் ஹிந்தி நடிகை சுலோச்சனா லட்கர் மறைவு : பிரதமர் இரங்கல்
• 
  ஷாருக்கானுடன் நடிப்பதற்கு ஒரு ரூபாய் மட்டுமே சம்பளம் கேட்ட பாகிஸ்தான் ...
• 
  கங்குலியாக நடிக்கிறாரா ஆயுஷ்மான் குராணா?
• 
  சாவர்கராக நடிக்க 26 கிலோ எடை குறைத்த ரன்தீப் ஹூடா

• 
  2018 படத்தில் முதலில் நடிக்க மறுத்தேன் : டொவினோ தாமஸ்
• 
  கொலம்பியா பல்கலைக்கழகத்தில் பட்டம் பெற்ற சுரேஷ்கோபியின் மகள்
• 
  ஆந்திர முதல்வர் சுயசரிதையை படமாக்கும் ராம்கோபால் வர்மா
• 
  மலையாள பட விழாவில் விஜய் தேவரகொண்டா பட இயக்குனரை விமர்சித்த அல்லு ...
• 
  நண்பர்கள் ஆதரவில் நடைபெற்ற தசரா இயக்குனர் திருமணம்