Dinamalar

ரூ.400 கோடியைக் கடந்த 'விக்ரம்' ; அடுத்து என்ன ?

லோகேஷ் கனகராஜ் இயக்கத்தில், அனிருத் இசையமைப்பில், கமல்ஹாசன், விஜய் சேதுபதி, பகத் பாசில் மற்றும் பலர் நடித்து ஜுன் 3ம் தேதி வெளியான படம் 'விக்ரம்'. படம் வெளியான 25 நாட்களில் ரூ.400 கோடி வசூலைப் பெற்றுள்ளதாக தகவல்கள் வெளியாகி உள்ளது.

150 கோடி ரூபாய் பட்ஜெட்டுக்குள் உருவான இப்படம் 400 கோடி ரூபாய் வசூலித்து ஏறக்குறைய 250 கோடி வரையில் லாபத்தைக் கொடுத்திருக்கிறது. இதற்கு முன்பு ரஜினிகாந்த் நடித்து வெளிவந்த '2.0' படம் 600 கோடி செலவில் தயாராகி 800 கோடி வசூலித்ததுதான் தமிழ் சினிமாவின் அதிக வசூல் சாதனையாக இருந்து வருகிறது.

ஆனால், லாபம் என்ற வகையில் '2.0' படத்தை விடவும் 'விக்ரம்' படம்தான் முதலிடத்தைப் பிடித்துள்ளதாக கோலிவுட்டில் தெரிவிக்கிறார்கள். மேலும், தமிழகத்தைப் பொறுத்தவரையில் அதிக லாபத்தைக் கொடுத்த படம் என நம்பர் 1 இடத்தை ஏற்கெனவே 'விக்ரம்' பிடித்துவிட்டது என்றும் சொல்கிறார்கள்.

கமல்ஹாசனின் 'விக்ரம்' பட வசூல் சாதனையால் அவருக்கான மார்க்கெட் மதிப்பு இன்னும் அதிகமாகி உள்ளது. அவர் நடித்து வரும் 'இந்தியன் 2' படம் சர்ச்சைகளைக் களைந்து படமாக்கப்பட்டு முடிந்தால் இதை விடவும் வசூல் சாதனை படைக்கும் என்கிறார்கள்.

கமல்ஹாசன் நடிப்பதாக இருந்த 'சபாஷ் நாயுடு, தலைவன் இருக்கிறான்' படங்களை தூசித் தட்டி மீண்டும் எடுத்தால் கூட அப்படம் வியாபாரம் ஆகிவிடும் என்பதுதான் உண்மை.

• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...
• 
  பிக் பாஸ் ஹிந்தி சீசன் 19ல் புதிய மாற்றங்கள்
• 
  77 லட்சம் மோசடி செய்ததாக நடிகை ஆலியா பட்டின் முன்னாள் பெண் உதவியாளர் கைது
• 
  டான் 3ம் பாகத்தில் இணைந்த கிர்த்தி சனோன்!

• 
  ‛கூலி' படத்திலிருந்து ‛மோனிகா' பாடல் வெளியீடு
• 
  கொடைக்கானல் மலை கிராமம் பின்னணியில் உருவாகும் 'கெவி'
• 
  மகிழ்ச்சியாக இருக்கிறேன், பேச்சு வரலை : விஜய்சேதுபதி மகன் உருக்கம்
• 
  காலில் செருப்பு அணியாமல் என்னை பக்குவப்படுத்திக் கொள்கிறேன் : விஜய் ...
• 
  ரஜினி ஒரு புத்திசாலி, கத்தியைப் போல கூர்மையானவர் : ஸ்ருதிஹாசன்