Dinamalar

விக்ரம் படத்தில் ஆறு மலையாள நடிகர்கள்

லோகேஷ் கனகராஜ் இயக்கத்தில் கமல் நடித்துள்ள விக்ரம் திரைப்படம் வரும் ஜூன் 3ஆம் தேதி வெளியாக இருக்கிறது. இந்தப்படத்தில் தமிழில் முன்னணி நடிகராக இருக்கும் விஜய்சேதுபதி நடித்திருப்பதுடன் மலையாள நடிகர் பஹத் பாசில் மிக முக்கியமான வேடத்தில் நடித்துள்ளார். அதுமட்டுமல்ல இந்த படத்தில் பஹத் பாசிலையும் சேர்த்து மலையாள திரையுலகை சேர்ந்த 6 நடிகர்கள் நடித்துள்ளனர்.

ஏற்கனவே லோகேஷ் கனகராஜ் இயக்கிய கைதி படத்தில் போலீஸ் அதிகாரியாக முக்கிய வேடத்தில் நடித்திருந்த நரேன் இந்த படத்திலும் போலீஸ் அதிகாரியாகவே நடித்துள்ளார். கமலின் நண்பரும், மலையாள நடிகருமான ஜெயராமின் மகன் காளிதாஸ் ஜெயராம், ஏற்கனவே கோலிசோடா 2 படத்தில் வில்லனாக நடித்த மலையாள நடிகர் செம்பான் வினோத் ஜோஸ், இந்த படத்தில் முக்கிய வேடத்தில் நடித்துள்ளனர்.

அங்கமாலி டைரீஸ் படம் மூலம் புகழ்பெற்ற இளம் நடிகர் ஆண்டனி வர்கீஸ் இந்த படத்தில் நடித்துள்ளார். இவர் ஏற்கனவே மாஸ்டர் படத்தில் நடிப்பதாக இருந்து கடைசி நேரத்தில் அந்த வாய்ப்பு அவருக்கு கை நழுவி போனது. இவர்கள் தவிர நடிகர் ஹரீஷ் பெராடி இந்த படத்தில் முக்கிய வேடத்தில் நடித்துள்ளார். இவரும் ஏற்கனவே லோகேஷ் கனகராஜ் இயக்கிய கைதி படத்திலும் வில்லன் கதாபாத்திரத்தில் நடித்திருந்தார் என்பது குறிப்பிடத்தக்கது.

• 
  கைதி படத்தின் ஹிந்தி ரீமேக் : இயக்குநர் திடீர் மாற்றம்
• 
  ஹிந்தி விக்ரம் வேதா பட்ஜெட் அதிகரிப்பா? - தயாரிப்பு தரப்பு விளக்கம்
• 
  பாலியல் துன்புறுத்தல் பற்றி பேசுவது எளிதானதல்ல : குப்ரா சயித்
• 
  அசாம் நடிகர் தமிழ்நாட்டில் பலி
• 
  தங்கப்பதக்கத்தை சோனுசூட்டுக்கு சமர்ப்பணம் செய்த கராத்தே வீராங்கனை

• 
  ராஜமவுலியின் தந்தை விஜயேந்திர பிரசாத் ராஜ்யசபா எம்.பி.யாக நியமனம்
• 
  ராஜ்யசபா எம்.பி.யாக இளையராஜா நியமனம் : பிரதமர், ரஜினி, கமல் வாழ்த்து
• 
  காமெடி கதையில் நடிக்கும் அனுஷ்கா
• 
  மாமன்னன் படத்தில் முதன்மை கதாபாத்திரத்தில் நடிக்கும் வடிவேலு
• 
  அடேங்கப்பா... 800 தியேட்டர்களில் வெளியாகும் 'தி லெஜண்ட்'