Dinamalar

விக்ரம் படத்தில் சூர்யா நடித்ததை உறுதி செய்த லோகேஷ்

கமல் நடித்துள்ள விக்ரம் படத்தின் இசை, டிரைலர் வெளியீட்டு விழா சென்னையில் நடந்தது. இந்த படத்தில் சூர்யா சிறப்பு வேடத்தில் நடித்துள்ளதாக ஏற்கனவே தகவல்கள் வந்த நிலையில் இப்போது அதை உறுதிப்படுத்தி உள்ளார் இயக்குனர் லோகேஷ் கனகராஜ்.

விக்ரம் பட விழாவில் லோகேஷ் பேசியதாவது : கமல் சாரை பார்த்தாலே பேச்சு வர மாட்டேன் என்கிறது. 125 நாட்கள் மொத்தம் படப்பிடிப்பு நடந்தது. அதில் 75 நாட்கள் சண்டைக்காட்சி மட்டும் இருந்தது. யாருக்கும் எந்த அடியும் படமால் அருமையாக சண்டைக்காட்சியை படமாக்கிய அன்பறிவுக்கு நன்றி. நான் இன்றைக்கு சினிமாவில் இந்த தூரம் வந்திருக்கிறேன் என்றால் அதற்கு கமல் சாரும் ஒரு காரணம். அவரின் படங்களை பார்த்து வளர்ந்தவன் நான். படப்பிடிப்பில் ஒவ்வொரு நாளும் எனக்கு பயம் இருக்கும்.

இந்த படம் இவ்வளவு பெரிதாக வந்ததற்கு கமல் சார் காரணம். நடிப்பு, தயாரிப்பு எல்லாவற்றையும் நான் கேட்டதை செய்து கொடுத்தார். எந்த கேள்வியும் அவர் கேட்டதில்லை. இந்த படத்தில் சூர்யா முக்கியமான வேடத்தில் நடித்துள்ளார். அவருக்கு நன்றி. நான் ஏன் அவருக்கு நன்றி சொல்கிறேன் என்பது படம் பார்க்கும் போது உங்களுக்கு தெரியும். இந்த படம் மீது பெரிய எதிர்பார்ப்பு உள்ளது. மற்ற படங்களுக்கு இணையாக இது இருக்குமா என கேட்கிறார்கள். செய்யும் தொழிலுக்கு உண்மையாக இருக்க வேண்டும், நான் அப்படி தான் இந்த படத்தில் வேலை பார்த்துள்ளேன். படம் எதிர்பார்ப்பை பூர்த்தி செய்யும் என நம்புகிறேன் என்றார்.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்