Dinamalar

கேஜிஎப் 2 ரிலீஸ் : பின் வாங்கிய 'ஜெர்ஸி'

ஒரு மாநில மொழித் திரைப்படத்தைப் பார்த்து ஒரு ஹிந்தித் திரைப்படம் பின் வாங்கியிப்பது ஆச்சரியத்திலும் ஆச்சரியம் தான். யஷ் நடித்த 'கேஜிஎப் 2' கன்னடப் படம், தமிழ், ஹிந்தி, தெலுங்கு, மலையாளம் ஆகிய மொழிகளிலும் டப்பிங் ஆகி இந்த வாரம் ஏப்ரல் 14ம் தேதி உலகம் முழுவதும் வெளியாக உள்ளது.

அதே தினத்தில் ஷாகித் கபூர் நடித்த 'ஜெர்ஸி' ஹிந்திப் படத்தையும் வெளியிட திட்டமிட்டிருந்தார்கள். ஆனால், 'கேஜிஎப் 2' படத்திற்கு வட இந்தியாவில் கிடைக்கும் வரவேற்பு மிகவும் அதிகமாக உள்ளது. அதைக் கருத்தில் கொண்டு அந்தப் படத்துடன் ஏன் போட்டி போட வேண்டும் என தங்கள் படத்தை ஒரு வாரம் தள்ளி வைத்துள்ளது 'ஜெர்ஸி' குழு.

நேற்று இரவு இது பற்றிய திடீர் முடிவை தயாரிப்புக் குழுவினர் எடுத்துள்ளனர். இரண்டு படங்களின் டிரைலர்களை வைத்தே எந்தப் படத்திற்கு அமோக ஆதரவு என்பதைத் தெரிந்து கொள்ளலாம். 'ஜெர்ஸி' பட டிரைலர் 65 மில்லியன் பார்வைகளையும், 'கேஜிஎப் 2' டிரைலர் 85 மில்லியன் பார்வைகளையும் யு டியூபில் இதுவரை கடந்துள்ளது.

'கேஜிஎப் 2' படத்திற்கான முன்பதிவு உலகம் முழுவதும் சிறப்பாக இருப்பதால் படக்குழுவினர் மகிழ்ச்சியில் உள்ளனர்.

• 
  குடும்பங்கள் கொண்டாடிய படங்களின் இயக்குனர் வி சேகர் காலமானார்
• 
  கும்கி 2 படத்தை வெளியிட அனுமதி
• 
  பல ஹீரோக்கள் இதை விரும்பமாட்டார்கள் - ஆண்ட்ரியா
• 
  ராஷ்மிகாவுக்கு தேசிய விருது நிச்சயம் : தேவிஸ்ரீ பிரசாத் நம்பிக்கை
• 
  பெங்களூர் டேஸ் படத்தை ரீமேக் செய்து கெடுத்து விட்டோம் : ராணா

• 
  பாலிவுட்டின் மூத்த நடிகை காமினி கவுசல் காலமானார்
• 
  அனிமேஷன் கேரக்டருக்கு குரல் கொடுத்தது சுவாரஸ்யம் : ஷ்ரத்தா கபூர்
• 
  பின்வாங்கிய ராஜ்குமார் ஹிரானி, அமீர் கான் : அப்போ ராஜமவுலிக்கு வெற்றியா?
• 
  பிரதமர் மோடியின் அம்மா வேடத்தில் நடிக்கும் ரவீனா டாண்டன்
• 
  நலமாக இருக்கிறேன் : மருத்துவமனையிலிருந்து வீடு திரும்பினார் கோவிந்தா