Dinamalar

கேஜிஎப் 2வை 15 நிமிடத்துக்கு மேல் தொடர்ந்து பார்க்க முடியவில்லை : ராம்கோபால் வர்மா

மனதில் பட்டதை வெளிப்படையாக பேசுகிறேன் என்று கூறி அவ்வப்போது பரபரப்பு செய்திகளுக்கு தீனி போடுபவர் பாலிவுட் இயக்குனர் ராம்கோபால் வர்மா. சமீபத்தில் கூட ஸ்லோமோஷன் காட்சிகள் இல்லாமல் நடிகர் ரஜினிகாந்துக்கு இந்த அளவுக்கு மாஸ் கிடைத்திருக்காது என்று கிண்டல் அடிக்கும் விதமாக கருத்து தெரிவித்திருந்தார். அதேபோல சமீபத்திய பேட்டி ஒன்றில் மிகப்பெரிய வெற்றி பெற்ற கே ஜி எப் 2 படம் குறித்தும் அதே பாணியில் கிண்டலாக விமர்சித்துள்ளார் ராம் கோபால் வர்மா.

இது குறித்து அவர் கூறும்போது, “கேஜிஎப் 2 படத்தை பார்க்க துவங்கியதுமே 15 நிமிடத்திற்கு மேல் என்னால் தொடர்ந்து அந்த படத்தை பார்க்க முடியவில்லை. அதன் தாக்கத்திலிருந்து வெளிவருவதற்காக பால்கனிக்கு வந்து வெளிக்காற்றை நன்றாக சுவாசித்து கொஞ்சம் யோகா பயிற்சி செய்து விட்டு அதன் பிறகு அடுத்த 15 நிமிடங்களை பார்த்தேன். மீண்டும் அதே போல தான் தொடர்ந்தது. இடைவேளைக்குப் பிறகு உன்னால் இந்த படத்தை முழுதாக பார்க்க முடியாது, பேசாமல் பார்ப்பதை நிறுத்தி விடு என்று என்னுடைய மனமே கட்டளையிட்டது.

அடுத்த முறை என்னுடன் ஒரு எழுத்தாளரையும் வைத்துக் கொண்டு இந்த படத்தை பார்த்தேன். அவரும் படம் பார்க்கும்போது இந்த காட்சிகள் எல்லாம் கொஞ்சம் கூட லாஜிக் இல்லாமல் இருக்கிறதே ? எப்படி இதெல்லாம் சாத்தியம் என்று அடிக்கடி கேட்டுக்கொண்டே இருந்தார். நான் அவரிடம் சொன்னேன்.. படத்தின் கதை பற்றி விவாதிக்கலாம். படத்தின் வெற்றி பெற்று விவாதிக்கவே முடியாது.. நம் இருவருக்கு பிடிக்கவில்லை. ஆனால் லட்சக்கணக்கானோருக்கு பிடித்திருக்கிறது.. என்ன செய்வது ?” என்று கூறியுள்ளார் ராமகோபால் வர்மா.

• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...
• 
  புதுமுகங்கள் நடித்த 'மன்னு க்யா கரேகா' டிரைலர் வெளியீடு
• 
  அக்ஷய் குமாரின் ஹிந்தி படத்தில் கெஸ்ட் ரோலில் நடிக்கும் மோகன்லால்

• 
  லோகேஷ் கனகராஜ் ஜோடியாகும் ‛ஜெயிலர்' பட நடிகை
• 
  15வது திருமண நாளை கொண்டாடிய சிவகார்த்திகேயன் - ஆர்த்தி
• 
  ஹன்சிகாவின் விநாயகர் சதுர்த்தி கொண்டாட்டம்
• 
  டூரிஸ்ட் பேமிலி இயக்குனருக்கு ஜோடியான அனஸ்வரா ராஜன்
• 
  கோலி சோடா தொடர்ச்சி... புதிய பாகத்தின் தலைப்பு அறிவிப்பு