மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி |
எப்ஐஆர் படத்தை அடுத்து மோகன்தாஸ் படத்தில் நடித்து வருகிறார் விஷ்ணு விஷால். இதையடுத்து ‛கட்டா குஸ்தி' என்ற படத்தில் நடிக்கிறார். செல்லா அய்யாவு என்பவர் இயக்க, ஜஸ்டின் பிரபாகர் இசையமைக்கிறார். தெலுங்கு நடிகர் ரவிதேஜாவும், விஷ்ணு விஷாலும் இணைந்து தயாரிக்கிறார்கள். மல்யுத்தம் தொடர்பான கதையில் உருவாகிறது.
தமிழ், தெலுங்கு இரு மொழிகளில் தயாராகும் இந்த படத்தின் மோஷன் போஸ்டர் வெளியிடப்பட்டுள்ளது. விஷ்ணு விஷாலும், ரவி தேஜாவும் இணைந்து இருந்த படங்கள், அவர்கள் குழுவாக விவாதித்த படங்கள் வைரல் ஆனதால் இருவரும் இணைந்து ஒரு படத்தில் நடிக்க போவதாக செய்திகள் வந்த நிலையில் இப்போது தயாரிப்பாளராக மட்டும் ரவி தேஜா இணைந்துள்ளார். அதேசமயம் சிறப்பு தோற்றத்தில் இவர் நடிக்கலாம் என்கிறார்கள்.
ஏற்கனவே வெண்ணிலா கபடிக்குழு (கபடி), ஜீவா (கிரிக்கெட்) படங்கள் விளையாட்டை மையமாக வைத்து உருவாகின. அந்த படங்கள் விஷ்ணு விஷாலுக்கு வெற்றி படங்களாக அமைந்தன. அந்த வரிசையில் இந்த படமும் விளையாட்டு தொடர்பான கதையில் உருவாகிறது.