Dinamalar

'விக்ரம்' நிறைவு, 'இந்தியன் 2' ஆரம்பிப்பாரா கமல்ஹாசன் ?

லோகேஷ் கனகராஜ் இயக்கத்தில், கமல்ஹாசன், விஜய் சேதுபதி, பகத் பாசில் மற்றும் பலர் நடிக்கும் 'விக்ரம்' படத்தின் படப்பிடிப்பு நிறைவடைந்துள்ளது.

இந்தப் படத்திற்கு முன்பாக ஷங்கர் இயக்கத்தில் கமல்ஹாசன் 'இந்தியன் 2' படத்தில் நடித்து வந்தார். 2020ம் ஆண்டு பிப்ரவரி மாதம் இப்படத்தின் படப்பிடிப்பு சென்னையில் நடைபெற்ற போது கிரேன் விழுந்து விபத்து ஏற்பட்டதில் மூவர் உயிரிழந்தனர். அதன்பிறகு படப்பிடிப்பை தள்ளி வைத்தார்கள். அதற்கடுத்து கொரானோ முதல் அலை வந்ததால் படப்பிடிப்பு மேலும் தள்ளிப்போனது. பின்னர் இயக்குனர் ஷங்கருக்கும், படத்தயாரிப்பு நிறுவனமான லைக்காவுக்கும் நடந்த பிரச்சினையில் இதுவரையிலும் படத்தின் படப்பிடிப்பு மீண்டும் நடக்கவேயில்லை.

இந்நிலையில் கமல்ஹாசன் 'விக்ரம்' படத்தின் படப்பிடிப்பை ஆரம்பித்து நடத்தி முடித்தும்விட்டார். ஷங்கர் தற்போது தெலுங்கில் ராம்சரண் நடிக்கும் படத்தை இயக்கி வருகிறார். இப்படத்தின் படப்பிடிப்பு இன்னும் சில மாதங்கள் நடக்கும் என்கிறார்கள். இந்த சூழ்நிலையில் கமல்ஹாசன் அடுத்து புதிய படங்கள் எதிலும் நடிக்க ஆரம்பிப்பாரா அல்லது ஷங்கரிடம் பேசி இடையிடையே 'இந்தியன் 2' படப்பிடிப்பையும் நடத்தச் சொல்வாரா என்பது விரைவில் தெரிய வரும்.

'இந்தியன் 2' படம் எப்போது வரும் என கமல்ஹாசன் ரசிகர்கள் கடந்த சில வருடங்களாகவே ஆவலுடன் காத்திருக்கிறார்கள்.

• 
  ஏர் இந்தியா விமான சேவை மீது சிதார் இசைக் கலைஞர் ரவிசங்கரின் மகள் ...
• 
  தொடரும் பட ஹிந்தி ரீமேக்கில் அஜய் தேவகன் : இயக்குனர் தருண் மூர்த்தியின் ...
• 
  ‛பார்டர் 2'வில் தில்ஜித் தோசன்ஜ் முதல் பார்வை வெளியீடு
• 
  75 கோடி வசூல் கடந்த தனுஷின் 'தேரே இஷ்க் மெய்ன்'
• 
  காந்தாரா கிண்டல்: மன்னிப்பு கேட்ட ரன்வீர் சிங்

• 
  ஏவிஎம் சரவணன் மறைவு : அஜித், விஜய், விக்ரம் அஞ்சலி செலுத்தவில்லை
• 
  மரணத்தை வைத்து மீம்ஸ் போடுவதா? ஜான்வி கபூர் கடும் ஆதங்கம்!
• 
  ஏவிஎம் சரவணன் உடல் தகனம்
• 
  உங்கள் பெயர் சொல்லும் பிள்ளைகளில் நானும் ஒருவன் : சரவணனுக்கு கமல் புகழ் ...
• 
  இந்த வார ஓடிடி ரிலீஸ்: சிறிய படங்கள் தான்....ஆனா ஒவ்வொன்னும் செம'வொர்த்'..!