சினிமா துறை நாறிப் போய் உள்ளது : சனம் ஷெட்டி கோபம் | பேட் மேன் பட நடிகர் வால் கில்மர் காலமானார் | குட் பேட் அக்லி படத்தின் ரன்னிங் டைம் வெளியானது | 29 வயதா.... நம்பமுடியவில்லை என்கிறார் ராஷ்மிகா | ஹிப் ஹாப் ஆதியின் படத்தை இயக்கும் ஜோ இயக்குனர் | காதல் பிரேக்கப்பிற்கு சானியா ஐயப்பன் சொன்ன அதிர்ச்சி காரணம் | முன்கூட்டியே ரிலீசாகும் மோகன்லாலின் தொடரும் படம் | எம்புரான் டைட்டில் : நன்றி கார்டில் சுரேஷ்கோபி பெயர் நீக்கம் | வீர தீர சூரன் வெற்றி : வின்டேஜ் புகைப்படம் பகிர்ந்த துருவ் விக்ரம் | பெண் விரிவுரையாளருக்கு 2.68 லட்சம் நஷ்ட ஈடு வழங்க மோகன்லால் பட தயாரிப்பாளருக்கு நீதிமன்றம் உத்தரவு |
அஜித் ரசிகர்கள் நீண்ட நாட்கள் ஆவலுடன் எதிர்பார்த்த வலிமை திரைப்படம் இன்று வெளியாகியுள்ளது.. படமும் பைக் ரேசிங், அதிரடி சேஸிங் என தங்களை திருப்திப்படுத்தும் விதமாக இருப்பதாக அஜித் ரசிகர்கள் கூறி வருகின்றனர். இந்தநிலையில் வலிமை கொண்டாட்டத்தின்போது சமீபத்தில் வெளியான விஜய்யின் அரபிக்குத்து பாடலுக்கும் அஜித் ரசிகர்கள் ஆட்டம் போட்ட வீடியோ ஒன்று வெளியாகி தற்போது வைரலாகி வருகிறது.
வலிமை படத்தின் முதல்நாள் முதல் காட்சியை பார்ப்பதற்காக பொள்ளாச்சி தங்கம் தியேட்டரில் ரசிகர்கள் நேற்று இரவு கூடினார்கள். அவர்களை உற்சாகப்படுத்தும் விதமாக வலிமை பட பாடல்களை தியேட்டர் வளாகத்தில் ஒலிக்க விட்டனர் தியேட்டர் நிர்வாகத்தினர். அப்போது விஜய்யின் பீஸ்ட் படத்தில் இடம்பெற்று சமீபத்தில் வெளியாகி ஹிட்டான அரபிகுத்து பாடலையும் அவர்கள் ஒலிக்க செய்தனர்.
ஆனால் அஜித் ரசிகர்களோ அது விஜய் பாட்டு தானே என்கிற எந்த பாகுபாடும் காட்டாமல் அந்த பாடலுக்கும் உற்சாகமாக ஆட்டம் போட்டனர். அஜித், விஜய் ரசிகர்கள் இதுபோல ஒருவருக்கொருவர் நட்பாக இருந்தால் எவ்வளவு நன்றாக இருக்கும் என பலரும் தங்களது கமெண்ட்டுகளை பதிவிட்டு வருகின்றனர்.