‛ஆனந்த ராகம்...' பாடிய பின்னணி பாடகி உமா ரமணன் காலமானார் | ஒரு பாடலுக்கு நடனம் : விஜய் படத்தை நிராகரித்த ஸ்ரீ லீலா | இயக்குனருடன் சண்டை : படப்பிடிப்பை நிறுத்திய சவுந்தர்யா ரஜினிகாந்த் | மலையாளத்தில் மட்டுமே வெளியான நிவின்பாலி படம் | மூன்று வாரம் முன்கூட்டியே ரிலீசாகும் மம்முட்டியின் டர்போ | 100 கிலோ எடை தூக்கிய ராஷ்மிகா மந்தனா | நடிகை பிரக்யா நக்ராவை திருமணம் செய்தாரா ஜெய்? | அஜித்தின் 53வது பிறந்தநாள் : பரிசாக பைக் வழங்கிய ஷாலினி | தனி வீடு வாங்கிய ஐஸ்வர்யா ரஜினிகாந்த் | குக் வித் கோமாளியில் என்ட்ரி கொடுக்கும் அக்ஷய் கமல் |
விஸ்வரூபம் படத்தை தடை செய்ய கோரிய சாய்மீரா நிறுவனத்தின் மனுவை தள்ளுபடி செய்தது சென்னை ஐகோர்ட். கமலின் பிரம்மாண்ட தயாரிப்பில் உருவாகி இருக்கும் படம் விஸ்வரூபம். அவரே இயக்கி, நடித்துள்ள இப்படம் வருகிற ஜனவரி 11ம் தேதி உலகம் முழுக்க ரிலீஸ் ஆகிறது. இப்படம் ரிலீஸ் ஆவதற்கு பல்வேறு தடைகள் உருவாகி இருக்கிறது. தியேட்டரில் வெளியிடுவதற்கு முன்பாக டி.டி.எச்.-ல் இப்படத்தை வெளியிடுவதால் தியேட்டர் உரிமையாளர்கள் இப்படத்தை திரையிட விடமாட்டோம் என்று போர்க்கொடி தூக்கியுள்ள நிலையில் விஸ்வரூபம் படத்தை தடை செய்ய வேண்டும் என்று ரெஜன்ட் சாய்மீரா என்டர்டெயின்மென்ட் நிறுவனம் சென்னை ஐகோர்ட்டில் வழக்கு தொடர்ந்தது. அதில் மர்மயோகி படம் தொடர்பாக ராஜ்கமல் நிறுவனத்துக்கு ரூ.6.90 கோடி வரை தங்களது நிறுவனம் பணம் கொடுத்திருப்பதாகவும், ஆனால் படத்தை ஆரம்பிக்கவில்லை. இதனால், தங்களது நிறுவனத்துக்கு 10.50 கோடி ரூபாய் இழப்பு ஏற்பட்டுள்ளதாகவும், இந்தசூழலில் விஸ்வரூபம் படத்தை வெளியிட அனுமதித்தால், எங்களுக்கு வர வேண்டிய பணத்துக்கு உத்தரவாதம் இல்லை. எனவே இப்படத்திற்கு தடை விதிக்க வேண்டும் என்று மனுவில் கூறப்பட்டது.
இதுதொடர்பாக ராஜ்கமல் பிலிம்ஸ் நிறுவனத்துக்கு நோட்டீஸ் அனுப்பி நீதிபதி உத்தரவிட்டார். கமல் தரப்பில் இருந்தும் இப்பிரச்னை தொடர்பாக பதில் மனு தாக்கல் செய்யப்பட்டது. இதனையடுத்து வழக்கு விசாரணை இன்று(8ம் தேதி) நீதிபதி சர்மா முன்னிலையில் விசாரணைக்கு வந்தது. வழக்கை விசாரித்த நீதிபதி, விஸ்வரூபம் படத்தை தடை செய்வதற்கு எந்தவித முகாந்திரமும் கிடையாது. எனவே அப்படத்தை தடை செய்ய முடியாது என்று கூறி சாய்மீரா நிறுவனத்தின் மனுவை தள்ளுபடி செய்து உத்தரவிட்டார்.