Dinamalar

பிரிக்ஸ் 2021 திரைப்பட விழாவில் தனுஷுக்கு விருது

பிரேசில், ரஷ்யா, இந்தியா, சீனா, தென்னாப்ரிக்கா ஆகிய நாடுகள் அடங்கிய சர்வதேச கூட்டமைப்பு 'பிரிக்ஸ்' என அழைக்கப்படுகிறது. இந்த கூட்டமைப்பின் சார்பில் பிரிக்ஸ் திரைப்பட விழா 2016ம் ஆண்டு முதல் நடைபெற்று வருகிறது. இதில் பிரிக்ஸ் உறுப்பு நாடுகளின் படங்கள் திரையிடப்பட்டு விருதுகள் வழங்கப்படும்.

6வது பிரிக்ஸ் திரைப்பட விழா கோவாவில் 52வது சர்வதேசத் திரைப்பட விழாவுடன் இணைந்து நடத்தப்பட்டது. இதில் சிறந்த நடிகருக்கான விருது 'அசுரன்' தமிழ்ப் படத்தில் சிறப்பாக நடித்ததற்காக நடிகர் தனுஷுக்கு வழங்கப்பட்டது. ஏற்கெனவே, இந்தப் படத்திற்காக அவர் தேசிய விருதையும் பெற்றள்ளார் என்பது குறிப்பிடத்தக்கது.

இந்த விருது பெற்றது குறித்து டுவிட்டர் தளத்தில், “ஒரு முழுமையான மரியாதை” என தனுஷ் குறிப்பிட்டுள்ளார்.

'ஆன் வீல்ஸ்' என்ற பிரேசிலியன் திரைப்படத்தில் நடித்த லாரா போல்டோரினி சிறந்த நடிகை விருதைப் பெற்றார். 'பராகத்' என்ற தென்னாப்பிரிக்கத் திரைப்படமும், 'தி சன் அபவ் மீ நெவர் செட்ஸ்' என்ற ரஷியத் திரைப்படமும் சிறந்த திரைப்படத்திற்கான விருதைப் பகிர்ந்து கொண்டன. பிரேசிலியன் இயக்குனர் லுசியா முராத், 'அனா' என்ற டாகுமென்டரி படத்தை இயக்கியதற்காக சிறந்த இயக்குனருக்கான விருதைப் பெற்றார். 'எ லிட்டில் ரெட் பிளவர்' என்ற சீனப் படத்தை இயக்கிய இயக்குனர் யான் ஹான் சிறப்பு குறிப்பீடு விருது பெற்றார்.

• 
  ‛தூரான்தர்' படத்தின் வசூல் நிலவரம்!
• 
  மலேசியாவில் ரசிகர்களுடன் புகைப்படம் எடுத்த அஜித்
• 
  தர்மேந்திரா பிறந்தநாளில் ரசிகர்களின் பார்வைக்காக பண்ணை வீடு திறப்பு
• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை
• 
  100 கோடி வசூல் கடந்த தனுஷின் 'தேரே இஷ்க் மெய்ன்'

• 
  சூர்யா 47வது படத்தின் பூஜையுடன் அறிவிப்பு!
• 
  பிளாஷ்பேக்: இரண்டு முறை திரைப்பட வடிவம் பெற்ற மேடை நாடகம் “குமஸ்தாவின் ...
• 
  சூர்யா, கார்த்தி உடன் பணிப்புரிந்தது குறித்து கீர்த்தி ஷெட்டி!
• 
  ரீ ரிலீஸ் ஆகும் தனுஷின் ‛தேவதையை கண்டேன்'
• 
  ‛திரிஷ்யம் 3' படத்தின் வியாபாரம் குறித்து புதிய அப்டேட்!