Dinamalar

மலையாளப் படத்தின் வரவேற்பைப் பெறுமா தெலுங்கு 'த்ரிஷ்யம் 2'

ஜீத்து ஜோசப் இயக்கத்தில் மோகன்லால், மீனா மற்றும் பலர் நடித்த 'த்ரிஷ்யம்' மலையாளப் படம் 2013ம் ஆண்டு வெளிவந்தது. அதன்பின் இப்படம் கன்னடம், தெலுங்கு, தமிழ், ஹிந்தி, சிங்களம், சீன மொழிகளில் ரீமேக் செய்யப்பட்டது. தற்போது இந்தோனேசியா மொழியில் ரீமேக் செய்து வருகிறார்கள்.

'த்ரிஷ்யம்' படத்தின் இரண்டாம் பாகம் இந்த வருடம் பிப்ரவரி மாதம் ஓடிடி தளத்தில் வெளியாகி பெரும் வரவேற்பைப் பெற்றது. அதன்பின் இந்த இரண்டாம் பாகத்தை தெலுங்கில் மார்ச் மாதமே ரீமேக் செய்ய ஆரம்பித்தார்கள். முதல் பாகத்தை நடிகை ஸ்ரீப்ரியா இயக்கியிருந்தார் என்பது குறிப்பிடத்தக்கது.

இரண்டாம் பாகத்தை ஜீத்து ஜோசப் இயக்க, முதல் பாகத்தில் நடித்த வெங்கடேஷ், மீனா, நதியா உள்ளிட்டோர் இரண்டாம் பாகத்திலும் அப்படியே பங்கேற்றனர். இப்படம் நவம்பர் 25ம் தேதி அமேசான் ஓடிடி தளத்தில் வெளியாக உள்ளது. நேற்று இப்படத்தின் டீசரை வெளியிட்டார்கள். ஆனால், டீசருக்கு மிகச் சுமாரான வரவேற்பே கிடைத்துள்ளது. 3 லட்சத்திற்கும் அதிகமான பார்வைகளை மட்டுமே யு டியூபில் கிடைத்துள்ளது.

மலையாள ஒரிஜனல் த்ரிஷ்யம் 2 போல தெலுங்கு ரீமேக்கான த்ரிஷ்யம் 2 வரவேற்பைப் பெறுமா என்பது படம் வெளியான பிறகே தெரிய வரும்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  தெலுங்கில் ரீரிலீசாகும் 'பையா' : மீண்டும் பார்க்க கார்த்தி ஆர்வம்
• 
  யு டியுப் சேனல்கள், சமூக வலைத்தளங்கள் இளையராஜா புகைப்படங்களை ...
• 
  கஞ்சா வழக்கு : சிம்பு பட தயாரிப்பாளர் கைது
• 
  ராஜமவுலியின் கடவுள் மறுப்புப் பேச்சு : அதிகரிக்கும் சர்ச்சை
• 
  கதை என்னவென்று தெரியாமல் தான் எம்புரான் பட சென்சார் பிரச்னையில் ...