அஜித் வழியில் பவன் கல்யாண் : ரசிகர்கள் கேட்பார்களா ?

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

அஜித் வழியில் பவன் கல்யாண் : ரசிகர்கள் கேட்பார்களா ?

01 நவ, 2021 - 11:58 IST

எழுத்தின் அளவு:

தமிழ் சினிமாவில் மட்டுமல்ல தென்னிந்திய சினிமாவில் நடிகர்களுக்கும், சில நடிகைகளுக்கும் பட்டப் பெயர்களை வழங்கி அதன்படியே ரசிகர்கள்அழைப்பது வழக்கம். முன்னணி ஹீரோக்கள் மட்டுமல்லாது புதிது புதிதாக நடிக்க வரும் சிலர் கூட வரும் போதே பட்டப் பெயர்களுடன் வந்து அதிர்ச்சியடைய வைத்தும் வருகிறார்கள்.

தமிழ் நடிகர்களில் ஒரு காலத்தில் 'அல்டிமேட் ஸ்டார்' என அழைக்கப்பட்டவர் அஜித்குமார். ஆனால், தன்னை அப்படி அழைக்க வேண்டாமென அவர் ரசிகர்களிடம் கேட்டுக் கொண்டார். அதன்பின் அவரை 'தல' என ரசிகர்கள் அழைக்க ஆரம்பித்தார்கள். இதற்கு மட்டும் அஜித் எதுவும் சொல்லவில்லை. ரசிகர்களும் 'அல்டிமேட் ஸ்டார்' என்பதையே மறந்துவிட்டார்கள்.

தெலுங்கில் முன்னணி ஹீரோக்களில் ஒருவரான பவன் கல்யாணை அவரது ரசிகர்கள் 'பவர் ஸ்டார்' என்றே அழைப்பார்கள். ஆனால், கடந்த வருடத்திலிருந்தே தன்னை யாரும் அப்படி அழைக்க வேண்டாமென கேட்டுக் கொண்டார். ஆனால், ரசிகர்கள் விடுவதாக இல்லை.

நேற்று விசாகப்பட்டிணத்தில் நடந்த ஒரு பொதுக்கூட்டத்தில் பவன் கல்யாண் கலந்து கொண்ட போது ரசிகர்கள் 'பவர் ஸ்டார், பவர் ஸ்டார்' என கத்திக் கொண்டே இருந்தனர். அதனால், கோபமடைந்த பவன் கல்யாண், சத்தம் வந்த திசையை நோக்கி, “கத்தாதீங்க, என்னை பவர் ஸ்டார்னு சொல்லாதீங்க. கொஞ்சம் அறிவை வளர்த்துக்கோங்க,” என கோபமாகப் பேசினார். அதன்பின் சத்தம் போட்டவர்கள் அமைதியானவர்கள்.

அஜித் வழியில் பவன் கல்யாணும் தன்னை பட்டப் பெயரை வைத்து அழைப்பதை நிறுத்தச் சொல்வதை அவரது ரசிகர்கள் கேட்பார்களா ?.

Pawankalyan

கருத்துகள் (0) கருத்தைப் பதிவு செய்ய

தியேட்டர்களில் 2, ஓடிடியில் 2 : தீபாவளி ...

தீபாவளியை முன்னிட்டு சிறப்பு ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய