மீண்டும் முத்தையா இயக்கத்தில் விஷால் | ரஜினியுடன் இணைந்து நடனமாடும் அனிரூத்? | தக் லைப் படத்தின் புதிய அப்டேட் | ரஜினியின் வாழ்க்கை வரலாற்று படத்தை தயாரிக்கும் பாலிவுட் தயாரிப்பாளர்? | ரஜினியின் ‛கூலி' படத்திற்கு நோட்டீஸ் அனுப்பிய இளையராஜா | 'ஒளியை உணர்கிறேன்' : பிரேக்-அப்பிற்குப் பிறகு ஸ்ருதிஹாசன் | தீனா ரீ-ரிலீஸ் : தியேட்டருக்குள் பட்டாசு வெடித்த அஜித் ரசிகர்கள் | கரு முட்டையை பாதுகாத்து வைத்த நடிகை மெஹ்ரின் | அஜித் பிறந்தநாள் - அப்டேட் ஏதாவது வருமா ? | போஜ்புரி நடிகை தற்கொலை : இறப்புக்கு முன் வெளியிட்ட பதிவு |
ஒவ்வொரு வருடமும் சென்னை சர்வதேச திரைப்பட விழாவுக்கு என்னை அழைக்க வேண்டும், விழா நடைபெறும் அரங்கை பெருக்கி, துடைக்க நான் தயாராக இருக்கிறேன் என்று பாலிவுட் சூப்பர் ஸ்டார் அமிதாப் நெகிழ்ச்சி பட பேசினார். சென்னையில் 10வது சர்வதேச திரைப்பட விழா நடைபெற்றது. இவ்விழாவின் நிறைவு விழாவில் பாலிவுட் சூப்பர் ஸ்டார் அமிதாப் பச்சன் கலந்து கொண்டார். விழாவில் வணக்கம் என்று தமிழில் பேச ஆரம்பித்தார் அமிதாப். வணக்கம், ரொம்ப நன்றி. என்னை இந்த விழாவுக்கு அழைத்தற்காக மனமார்ந்த நன்றி. எனக்கு அவ்வளவு தான் தமிழ் தெரியும் என்று சொல்லிவிட்டு, பிறகு ஆங்கிலத்தில் பேச தொடங்கினார்.
சென்னை சர்வதேச திரைப்பட விழா பற்றி நடிகை சுஹாசினி என்னிடம் கூறினார். பெண்கள் முன்நின்று இந்த விழாவை நடத்தியது பெருமையாக இருக்கிறது. தமிழ் சினிமா கலைஞர்கள் ஒற்றுமையுடன் செயல்படுகிறார்கள். அவர்களிடம் இருக்கும் ஒற்றுமை இந்தியாவில் வேறு எந்த சினிமா கலைஞர்களிடமும் கிடையாது. மும்பை கலைஞர்களிடம் இல்லாத உழைப்பு, ஒழுக்கம், நேரம் தவறாமை உள்ளிட்டவைகள் தமிழ் சினிமாவில் இருக்கிறது. சினிமா மட்டுமே ஜாதி, மதம், இனம், மொழி என்று பாராமல் எல்லோரையும் ஒற்றுமையாக வைத்து இருக்கிறது. தமிழ் சினிமாவில் எனக்கு நிறைய நண்பர்கள் இருக்கிறார்கள். பல தொழில்நுட்ப கலைஞர்களுடன் நான் வேலை செய்து இருக்கிறேன். நாங்கள், உங்களிடம் கற்றுக்கொள்ள நிறைய இருக்கிறது.
இனி ஒவ்வொரு வருடமும் சுஹாசினி என்னை இந்த விழாவுக்கு அழைக்க வேண்டும். விழா நடைபெறும் அரங்கை பெருக்கி, துடைக்கவும், இருக்கைகளை மேடையில் கொண்டு வைத்து போடவும் நான் தயாராக இருக்கிறேன். வேண்டுமானால் விருந்தினர்களை கூட நான் வரவேற்க தயாராக இருக்கிறேன். உலகிலேயே, இந்தியாவில் தான் அதிக படங்கள் தயாராகின்றன. அதிலும் குறிப்பாக, தென்னிந்தியாவில் தான் அதிக படங்கள் தயாராகின்றன. இங்கே இருப்பவர்கள் மிகவும் திறமைசாலிகள்.
இவ்வாறு அவர் பேசினார்.
சென்னை சர்வதேச திரைப்பட விழாவுக்கு ரூ.11 லட்சம் நன்கொடையாக வழங்கினார் அமிதாப்.