Dinamalar

ஷங்கர், ராம்சரண் படம் பற்றி கியாரா தந்த அப்டேட்

தமிழ் இயக்குனரான ஷங்கர், தெலுங்கில் ராம் சரண் நடிக்க உள்ள 15வது படத்தை இயக்கப் போகிறார். இப்படத்தின் ஆரம்ப விழா கடந்த மாதம் ஐதராபாத்தில் பிரம்மாண்டமாக நடைபெற்றது. இப்படத்தில் ஹிந்தி நடிகையான கியாரா அத்வானி கதாநாயகியாக நடிக்கிறார். சமீபத்திய பேட்டி ஒன்றில் இப்படம் பற்றிய அப்டேட்டைக் கொடுத்துள்ளார் கியாரா.

“இது ஷங்கர் சாரின் படம். இப்படத்தின் படப்பிடிப்பு எப்போது ஆரம்பமாகும் என ஆவலுடன் காத்திருக்கிறேன். அவருடன் பணிபுரிவது எனக்குப் பிடித்த ஒன்று. நம்பமுடியாத ஒரு இயக்குனர். அவருடைய காலத்தில் முன்னோடியாக இருந்தவர். எனது கதாபாத்திரம் பற்றி சொல்ல முடியாது. ஆனால், போஸ்டரை வைத்து இது ஒரு அரசியல் படம் என சொல்வீர்கள்.

படத்தில் சர்ச்சையான விஷயங்கள் எதுவும் இல்லை. ஆனால், படத்தில் ஒரு அற்புதமான மெசேஜ் இருக்கிறது, அற்புதமான கதை இருக்கிறது, ஒரு பவர்புல்லான படமாக அமையும். ஷங்கர் சாரின் ஸ்டைலில் இப்படம் அமையும்,” எனத் தெரிவித்துள்ளார்.

விரைவில் இப்படத்தின் படப்பிடிப்பு ஆரம்பமாக உள்ளது. நவம்பர் மாதம் முதல் கியாரா படப்பிடிப்பில் கலந்து கொள்ள உள்ளார்.

• 
  தெலுங்கு படத்திலிருந்து ஜாக்குலின் நீக்கம்
• 
  ஆபாச காட்சிகளால் ஓடிடியில் வெளியாகும் தீபிகா படம்
• 
  சுதீப்புடன் ஜோடியாக நடிக்க மறுத்த மாடல் அழகி
• 
  விக்ரம் வேதா ஹிந்தி ரீமேக் ரிலீஸ் எப்போது?
• 
  மோசடி மன்னனுடன் தொடர்பு : விமான நிலையத்தில் ஜாக்குலின் பெர்ணாண்டஸ் ...

• 
  இளையராஜா - யுவன் இசையில் சினிமா பாடகராக அறிமுகமாகும் ‛சூப்பர் சிங்கர்' ...
• 
  பேண்டஸி படத்தில் யோகி பாபு
• 
  சீரியல் ஹீரோயினாகும் பிக்பாஸ் கேப்ரியல்லா
• 
  சூர்யா படத்தில் பாடிய இரண்டு இசையமைப்பாளர்கள்
• 
  வெந்து தணிந்தது காடு - சிம்பு வெளியிட்ட அப்டேட்