Dinamalar

மலையாள பிக்பாஸ் நிகழ்ச்சியில் 6 பேருக்கு கொரோனா

பிக்பாஸ் நிகழ்ச்சி பல மொழிகளிலும் ஒளிபரப்பாகிறது. மலையாள பிக்பாஸ் நிகழ்ச்சியை நடிகர் மோகன்லால் தொகுத்து வழங்கி வருகிறார். தமிழ், மலையாளம், தெலுங்கு ஆகிய 3 மொழிகளின் பிக்பாஸ் நிகழ்ச்சியும் பூந்தமல்லி அருகே உள்ள தனியார் பொழுதுபோக்கு பூங்காவில் செட் அமைத்து படமாக்கப்பட்டு வருகிறது.

தமிழ் பிக் பாஸ் நிகழ்ச்சி முடிவடைந்துவிட்ட நிலையில் மற்ற மொழி நிகழ்ச்சிகள் நடந்து வருகிறது. பிக்பாஸ் நிகழ்ச்சியில் பங்கு பெறுபவர்கள், அந் நிகழ்ச்சியின் தொழில்நுட்பக் கலைஞர்களுக்கு வாரம்தோறும் கொரோனா பரிசோதனை மேற்கொள்ளப்பட்டு வருகிறது. அந்த வகையில், சமீபத்தில் நடத்தப்பட்ட பரிசோதனையில், மலையாள பிக்பாஸ் தொழில் நுட்பக் கலைஞர்கள் 6 பேருக்கு கொரோனா பாதிப்பு இருப்பது உறுதி செய்யப்பட்டது.

இதையடுத்து பாதிக்கப்பட்ட தொழில்நுட்பக் கலைஞர்கள் தனிமைப்படுத்தப்பட்டுள்ளனர். மேலும், போதிய தடுப்பு நடவடிக்கைகளோடு, பிக்பாஸ் நிகழ்ச்சி படப்பிடிப்பு தொடர்ந்து நடைபெற்று வருகிறது. தற்போது இனி எந்த படப்பிடிப்பும் 31ந் தேதி வரை நடைபெறாது என்று பெப்சி அறிவித்துள்ள நிலையில் தொடர்ந்து மலையாள பிக்பாஸ் நிகழ்ச்சி நடைபெறுமா என்று தெரியவில்லை. மலையாள பிக்பாஸ் நிகழ்ச்சி முடிவடைய இன்னும் சில நாட்களே பாக்கி உள்ளது குறிப்பிடத்தக்கது.

• 
  ஆனந்த்.எல்.ராய் இயக்கத்தில் இணையும் முன்னனி நடிகைகள்
• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...

• 
  வைக்கப்பட்ட சீல் அகற்ற துணை முதல்வர் உத்தரவு, 'கன்னட பிக் பாஸ்' ...
• 
  திருமணம் செய்து கொள்ளாமல் இரட்டை குழந்தை பெற்றெடுத்த நடிகை பாவனா ரமண்ணா!
• 
  அடூர் கோபாலகிருஷ்ணன் படத்தில் நடிக்காததால் தான் மோகன்லால் சூப்பர் ...
• 
  துல்கர் சல்மான் கார் பறிமுதல் விவகாரம் ; சுங்கத்துறைக்கு நீதிமன்றம் ...
• 
  இந்திய ராணுவ தலைமை தளபதி ஜெனரலை சந்தித்த மோகன்லால்