Dinamalar

தெலுங்கில் பரபரப்பை ஏற்படுத்தியுள்ள ஜதி ரத்னலு

தெலுங்குத் திரையுலகத்தினர் தற்போது நல்லதொரு மகிழ்ச்சியில் இருக்கிறார்கள். கொரோனா தொற்றுக்குப் பிறகு தியேட்டர்கள் திறக்கப்பட்ட பின் மற்ற மொழி திரையுலகினர் தள்ளாடிக் கொண்டிருக்கையில் அங்கு சில படங்கள் பெரும் வரவேற்பைப் பெற்றது அவர்களை மகிழ்ச்சிக்கு உள்ளாக்கியதில் ஆச்சரியமில்லை.

ரவி தேஜா, ஸ்ருதிஹாசன் நடித்து வெளிவந்த கிராக், அடுத்து புதுமுகங்கள் வைஷ்ணவ் தேஜ், கிரித்தி ஷெட்டி நடித்து வெளிவந்த உப்பெனா ஆகிய படங்கள் வசூலை அள்ளித் தந்தன. அந்த வரிசையில் நகைச்சுவை நடிகர்கள் சிலர் நாயகர்களாக இணைந்து நடித்த ஜதி ரத்னலு படத்தின் வெற்றியும், வரவேற்பும் அவர்களை திக்குமுக்காட வைத்துவிட்டது.

கே.வி.அனுதீப் இயக்கத்தில் ரதன் இசையமைப்பில், நவீன் பொலிஷெட்டி, பிரியதஷி, ராகுல் ராமகிருஷ்ணன், பரியா அப்துல்லா மற்றும் பலர் நடித்து கடந்த வாரம் வெளிவந்த படம் ஜதி ரத்னலு. இப்படத்தை நடிகை சாவித்ரியின் வாழ்க்கை வரலாற்றுப் படமான மகாநடி படத்தை இயக்கிய நாக் அஷ்வின் தயாரித்துள்ளார். படத்தில் கீர்த்தி சுரேஷ், விஜய் தேவரகொண்டா சிறப்புத் தோற்றத்தில் நடித்துள்ளார்கள்.

இப்படத்தைப் பாராட்டி மகேஷ் பாபு, அல்லு அர்ஜுன் உள்ளிட்ட நடிகர்களும் பதிவிட்டதால் படம் எதிர்பார்த்ததை விடவும் வசூலைக் குவித்து வருகிறதாம். தமிழ் ரீமேக்கிற்கு இந்நேரம் சிலர் போட்டி போட ஆரம்பித்திருப்பார்கள்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  தி கேர்ள் ப்ரண்ட் ஹீரோவின் கன்னட பட ரிலீஸ் தேதி ஒரு வாரம் தள்ளி வைப்பு
• 
  தள்ளிப்போன மம்முட்டியின் களம்காவல் ரிலீஸ்
• 
  கிறிஸ்துமஸ் பண்டிகையில் வெளியாகும் 'சர்வம் மாயா'
• 
  பட விளம்பர மோசடி ; பெண் உள்ளிட்ட ஐவர் மீது நடிகர் யஷ்ஷின் தாயார் போலீசில் ...
• 
  மோகன்லால் மம்முட்டி படங்களை பயன்படுத்தியதால் 2 வருட தடை விதித்தனர் ; ...