பார்த்தால் பசிதீரும், பத்ரி, வீரம் - ஞாயிறு திரைப்படங்கள் | சவால் தான்... ஆனாலும் மகிழ்ச்சியே... - தமன்னா | 'கல்கி 2898 ஏடி' ரிலீஸ் ஜூன் 27-க்கு தள்ளிப்போனது | விஜய் பிறந்தநாளில் வெளியாகும் கோட் இரண்டாவது பாடல் | அல்லு அர்ஜூன் சம்பளம் ரூ.150 கோடியா... | நெல்சன் - விஜய்யின் கனவு படத்தில் யாரெல்லாம் நடிக்கிறார்கள் தெரியுமா ? | சிவசக்தியாக உருமாறிய தமன்னா | மம்முட்டிக்கு மாற்றாக நடிக்க பாலிவுட்டில் யாரும் இல்லை : வித்யாபாலன் பாராட்டு | சர்ச்சை நடிகருக்கு முன்பாக வேறு நடிகர் : புஷ்பா இயக்குனர் புது தகவல் | கேங்ஸ்டர் ரங்காவுக்கு ஏன் பிளாஷ்பேக் இல்லை ? ; ஆவேசம் இயக்குனர் |
மலையாள சினிமாவில் இயக்குனர் பாசிலின் மகன் பஹத் பாசில், மம்முட்டியின் மகன் துல்கர் சல்மான் வரை பிரபலங்களின் வாரிசுகள் சினிமாவில் அறிமுகமாகி முன்னணி ஹீரோவாகவும் ஆகிவிட்டார்கள். அதேபோல சரியான நேரம் பார்த்துக்கொண்டிருந்த மலையாள ஆக்சன் கிங் சுரேஷ்கோபியும் கடந்த வருடம் தனது மகன் கோகுல் சுரேஷை 'முதுகாவ்' என்கிற படம் மூலமாக ஹீரோவாக களமிறக்கினார். ஆனால் அந்தப்படம் பெரிய அளவில் வரவேற்பு பெறவில்லை..
இந்த நிலையில் அடுத்ததாக 'மாஸ்டர் பீஸ்' என்கிற படத்தில் மம்முட்டியுடன் இணைந்து நடிக்கிறார் கோகுல் சுரேஷ். ஏற்கனவே மம்முட்டியை வைத்து 'ராஜாதி ராஜா' என்கிற படத்தை இயக்கிய அஜய் வாசுதேவ் தான் இந்தப்படத்தை இயக்குகிறார். இந்தப்படத்தில் மம்முட்டியுடன் நிறைய காட்சிகளில் கோகுல் இணைந்து நடிக்க இருப்பதால், இந்தப்படம் வெளியானதும் ரசிகர்களிடம் ஓரளவு அவர் பிரபலமாக வாய்ப்பு இருக்கிறது.
கோகுலின் தந்தை சுரேஷ்கோபியும், அவர் நடிகரான அறிமுகமான காலகட்டத்தில் மம்முட்டியுடன் நிறைய படங்களில் இணைந்து நடித்ததால் தான் ரசிகர்கள் மத்தியில் நன்கு தெரிந்த முகமானார் என்பது வரலாறு. விஜய்யையும் சூர்யாவையும் நம்ம விஜயகாந்த் ஆரம்பத்தில் கைதூக்கி விட்ட வேலையைத்தான் இப்போது மம்முட்டியும் செய்ய இருக்கிறார்.