வில்லன் நடிகருடன் பிரேக்கப்பா? - புகைப்படம் மூலம் முற்றுப்புள்ளி வைத்த காதலி | இறுதிக்கட்ட படப்பிடிப்பில் திரிஷாவின் ஐடென்டிட்டி | ஜப்பானில் வெளியாகும் 777 சார்லி ரிலீஸ் தேதி அறிவிப்பு | பவன் கல்யாண் பட டைட்டிலில் சமந்தா நடிக்கும் புதிய படம் | 7 ஆண்டுகளுக்கு பிறகு திரையில் வருகிறார் அதிதி பொஹங்கர் | மேக்-அப் அறையில் அடைத்து சித்ரவதை : டிவி நடிகை பரபரப்பு புகார் | இன்னும் 6 நாட்களில் ஓடிடிக்கு வரும் 'மஞ்சும்மேல் பாய்ஸ்' | பிளாஷ்பேக்: 14 வயதில் பாட்டு... 21 வயதில் தேசிய விருது... 37 வயதில் மரணம் | ஏஆர் முருகதாஸை புகழ்ந்து பேசிய ஆமிர்கான் | மதுரை, கல்லம்பட்டி-யில் 'வீர தீர சூரன்' படப்பிடிப்பு |
தமிழில் இந்த ஆண்டு வெளிவந்து வெற்றி பெற்ற படங்களில் 'தனி ஒருவன்' படமும் அதிகம் குறிப்பிட வேண்டிய படம். மோகன்ராஜா இயக்கத்தில் ஜெயம் ரவி, நயன்தாரா, அரவிந்த்சாமி மற்றும் பலர் நடித்த இந்தப் படம் அனைத்து எதிர்பார்ப்புகளையும் மீறி மாபெரும் வெற்றி பெற்றது.
இந்தப் படத்தை தெலுங்கில் ராம் சரண் நடிக்க சுரேந்தர் ரெட்டி ரீமேக் செய்ய உள்ளார். ராம்சரணின் குடும்ப நிறுவனமான கீதா ஆர்ட்ஸ் இப்படத்தைத் தயாரிக்க உள்ளார்கள். அரவிந்த்சாமி கதாபாத்திரத்தில் யாரை நடிக்க வைப்பது என படக்குழுவினர் யோசித்து வந்தார்கள். கடைசியில் அரவிந்த்சாமியே நடித்தால் சிறப்பாக இருக்கும் என முடிவு செய்து அவரை அணுகினார்கள். பலத்த யோசனைக்குப் பிறகு அக்கதாபாத்திரத்தில் நடிக்க அரவிந்த்சாமியும் சம்மதம் தெரிவித்தார்.
அடுத்து ராம்சரணுக்கு ஜோடியாக யாரை நடிக்க வைப்பது என்ற தேடலில் இறங்கினார்கள். முன்னணி நடிகை யாராவது நடித்தால் மட்டுமே அந்தக் கதாபாத்திரத்திற்குப் பொருத்தமாக இருக்கும் என்ற தேடலில் ஸ்ருதிஹாசன் முடிவு செய்யப்பட்டுவிட்டார் என டோலிவுட்டில் தெரிவிக்கிறார்கள். ஸ்ருதிஹாசன் தற்போது தெலுங்கில் 'பிரேமம்' ரீமேக்கிலும், தமிழில் 'சிங்கம் 3' படத்திலும் நடிக்க ஒப்பந்தமாகியுள்ளார். ஹிந்தியிலும் சில படங்களைக் கைவசம் வைத்துள்ளார்.
'எவடு' படத்திற்குப் பிறகு மீண்டும் ராம்சரணுடன் ஸ்ருதிஹாசன் நடிக்கும் படம் இது. பிப்ரவரி 2016ல் இப்படத்தின் படப்பிடிப்பு ஆரம்பமாக உள்ளது.