Dinamalar

மீண்டும் ஒரு சர்வைவல் திரில்லரில் நடிக்கும் மஞ்சும்மேல் பாய்ஸ் நடிகர்

கடந்த வருடம் மலையாளத்தில் வெளியான மஞ்சும்மேல் பாய்ஸ் திரைப்படம் மிகப்பெரிய வெற்றியை பெற்றது. ரசிகர்களிடம் பிரபலம் இல்லாத சின்ன சின்ன நடிகர்களுடன், ஓரளவு பிரபலமான நடிகர் சவுபின் ஷாஹிர் மற்றும் ஸ்ரீநாத் பாஷி இருவரும் முக்கிய கதாபாத்திரத்தில் நடித்திருந்தனர். கேரளாவிலிருந்து கொடைக்கானலுக்கு சுற்றுலா வரும்போது அங்கிருந்த குணா குகைக்குள் ஸ்ரீநாத் பாஷி தவறி விழுந்து விட அவரை காப்பாற்ற உடன் வந்த நண்பர்கள் நடத்தும் போராட்டம் தான் இடைவேளைக்கு பிறகு மீதி படம் முழுவதும் இடம் பெற்றிருந்தது. சொல்லப்போனால் இதை ஒரு சர்வைவல் திரில்லர் என்று கூட சொல்லலாம்.

இந்த நிலையில் தற்போது அப்படி குழிக்குள் விழுந்த நடிகரான ஸ்ரீநாத் பாஷி மீண்டும் ஒரு சர்வைவல் திரில்லர் படத்தில் நடிக்கிறார். இந்தப் படத்திற்கு ஜி1 என டைட்டில் வைக்கப்பட்டுள்ளது. கேரளாவில் உள்ள வாகமன் பகுதியில் இதன் படப்பிடிப்பு தற்போது துவங்கியுள்ளது. மலையடிவார கிராமத்தைச் சேர்ந்த இளைஞன் ஒருவன் தன்னுடைய சொந்த ஊருக்கு வரும்போது சில எதிர்பாராத சம்பவங்களால் சிக்கலுக்கு ஆளாகிறான். அப்படிப்பட்ட சூழலில் அந்த இடத்திலிருந்து அவன் எப்படி தப்பிக்க முயற்சிக்கிறான் என்பதை மையப்படுத்திய ஒரு சர்வைவல் திரில்லராக இந்த படம் உருவாகிறது. இந்தப் படத்தை அறிமுக இயக்குனர் ஷான் எம் என்பவர் இயக்குகிறார்.

• 
  'பார்டர்-2' படத்துடன் வெளியாகும் துரந்தர் -2 படத்தின் டீசர்!
• 
  மீண்டும் ஷாருக்கானுடன் இணையும் அட்லி: 'டான் 3'ஐ இயக்குகிறாரா?
• 
  கார் பயணத்தின் போது 20 வருடங்களாக இந்த இரண்டு விஷயங்களை கவனமாக ...
• 
  துரந்தர் 2 ஒத்தி வைக்கப்படவில்லை : வதந்திக்கு முற்றுப்புள்ளி வைத்த ...
• 
  சாய் பல்லவியின் ‛ஏக் தீன்' ஹிந்தி படம் டீசருடன் ரிலீஸ் தேதி அறிவிப்பு

• 
  'சர்வம் மாயா' இயக்குனரின் அடுத்த படத்திலும் இணையும் நிவின்பாலி
• 
  மோகன்லால் படத்தை இயக்கும் பஹத் பாசிலின் ஆஸ்தான இயக்குனர்
• 
  ஓடிடியில் ஹிந்தியில் மட்டுமே வெளியான 'பாகுபலி தி எபிக்'
• 
  பிரித்விராஜூக்கு வில்லனாக மலையாளத்தில் நுழைந்த கத்தி பட வில்லன்
• 
  நிவின்பாலிக்கு எதிராக பொய் வழக்கு தொடர்ந்தவருக்கு நீதிபதி கண்டனம்