Dinamalar

மோகன்லாலின் ஆஸ்தான இயக்குனரின் அரசியல் படத்தில் கைகோர்த்த நிவின்பாலி

மலையாள திரையுலகில் மோகன்லாலின் ஆஸ்தான இயக்குனராக, அவரை வைத்து தொடர்ந்து ஐந்து படங்களை இயக்கியவர் இயக்குனர் பி.உன்னிகிருஷ்ணன். மோகன்லாலை வைத்து தான் இயக்கிய வில்லன் படத்தின் மூலம் விஷால் ஹன்சிகா இருவரையும், ஆராட்டு படத்தின் மூலம் ஏ.ஆர்.ரஹ்மானையும் முதன் முதலாக மலையாள திரை உலகில் அறிமுகப்படுத்தியதும் இவர்தான். தற்போது மலையாள இயக்குனர் சங்க தலைவராக தீவிரமாக செயல்பட்டு வருகிறார். இன்னொரு பக்கம் திரைப்படங்களையும் இயக்குவதில் கவனம் செலுத்தி வருகிறார். இந்த நிலையில் அவர் தற்போது அரசியலை மையப்படுத்திய கமர்சியல் படம் ஒன்றை இயக்கத் துவங்கியுள்ளார்.

இந்த படத்தில் கதாநாயகனாக அரசியல்வாதியாக நடிகர் நிவின்பாலி நடிக்கிறார். இதற்கு முன்னதாக சகாவு என்கிற படத்தில் ஒரு கம்யூனிச போராளியாக நிவின் பாலி நடித்திருந்தாலும் அரசியல்வாதியாக அவர் நடிப்பது இதுதான் முதன்முறை.. நீண்ட இடைவேளைக்குப் பிறகு மீண்டும் இப்படி ஒரு அரசியல் பின்பலம் கொண்ட கதையில் அவர் இணைந்துள்ளார்.

தமிழில் நிவின்பாலி கதாநாயகனாக நடித்துள்ள ஏழு மலை ஏழு கடல் படம் ரிலீசுக்கு நீண்ட நாட்களாக காத்திருக்கிறது. மேலும் ராகவா லாரன்ஸ் நடித்துவரும் பென்ஸ் திரைப்படத்தில் வில்லனாகவும் நடித்து வருகிறார் நிவின்பாலி. இன்னொரு பக்கம் மலையாளத்தில் நிவின்பாலியும் நயன்தாராவும் ஜோடியாக நடித்துள்ள டியர் ஸ்டூடண்ட்ஸ் திரைப்படம் விரைவில் வெளியாக இருக்கிறது.

• 
  துரந்தர் 2 படத்தில் சிறப்பு தோற்றத்தில் நடித்த விக்கி கவுசல், யாமி கவுதம்
• 
  கணவர் அபிஷேக் பச்சனுக்கு பிறந்தநாள் வாழ்த்து சொன்ன ஐஸ்வர்யா ராய்
• 
  ஆன்லைன் விளையாட்டு மோகத்தால் மூன்று இளம் பெண்கள் தற்கொலை ; சோனு சூட் ...
• 
  அனிமல் 2ம் பாகத்திற்கு அனிமல் பார்க் டைட்டில் ஏன் ? ; சந்தீப் ரெட்டி வங்கா ...
• 
  மம்முட்டியின் தைரியம் பாலிவுட் நடிகர்களுக்கு இருக்கா ? ஷபனா ஆஸ்மி கேள்வி

• 
  ஆக்சன் காட்சிகளை படமாக்க பிப்ரவரியில் ஜோர்டனுக்கு பறக்கும் டிராகன் குழு
• 
  வெங்கடேஷ் படத்தில் பஹத் பாசில்
• 
  வழக்கமான ராணுவ படம் அல்ல : மோகன்லால் 367வது பட இயக்குனர் தகவல்
• 
  நகைச்சுவை நடிகரை மேடை ஏற்றி மனம் விட்டு பாராட்டிய மம்முட்டி
• 
  மீண்டும் தாத்தாவான நடிகர் சிரஞ்சீவி!