Dinamalar

2025 முதல் வெற்றி 'மதகஜராஜா': கடைசி வெற்றி 'சிறை'

2025ம் ஆண்டை பொறுத்தவரையில் 285 படங்கள் வந்துள்ளன. இதில் 12 சதவீத படங்களே வெற்றி என கணக்கு சொல்லப்படுகிறது. 2025ம் ஆண்டின் முதல் வெற்றியை 'மதகஜராஜா' பதிவு செய்தது. சுந்தர். சி இயக்கத்தில் விஷால், அஞ்சலி, வரலட்சுமி நடித்த இந்த படம் 12 ஆண்டுக்கு பின், ஜனவரி 12ம் தேதி வெளியாகி வெற்றி பெற்றது. இந்த படம் 50 கோடிக்குமேல் வசூலை அள்ளி முதல் வெற்றியை பதிவு செய்தது.

அடுத்து 'கூலி, குடும்பஸ்தன், மாமன், பறந்து போ, டிராகன், தலைவன் தலைவி, பைசன், மிடில்கிளாஸ்' ஆகிய படங்கள் வணிக ரீதியாக வெற்றி பெற்றாலும், 'ஆண்பாவம் பொல்லாதது' படத்துக்குபின் எந்த படமும் ஓடாமல் இருந்தது. கடந்த வாரம் வெளியான அதுவே, இந்த ஆண்டின் கடைசி வெற்றி படமா என்று பலரும் நினைத்திருந்த நிலையில், 'சிறை' அந்த இடத்தை பிடித்துள்ளது. கடந்தவாரம் வெளியான 'சிறை' வணிக ரீதியில் வெற்றி பெற்றுள்ளது.

220 தியேட்டரில் வெளியாகி, இதுவரை 8 கோடி வரை வசூலித்துள்ளது. ஜனவரி 9 வரை வேறு பெரிய படங்கள் இல்லாத நிலையில் படத்துக்கு இன்னும் வசூல் அதிகரிக்கும். நல்ல விமர்சனங்கள் காரணமாக சாட்டிலைட், டிஜிட்டல் மற்ற பிஸினசில் சிறைக்கு நல்ல வரவேற்பு. ஆகவே, படத்தை தயாரித்த லலித்குமார் மகிழ்ச்சி. தவிர, அவர் மகன் அக்ஷய் ஹீரோவாக அறிமுகம் ஆன முதல் படமே வெற்றி என்பதால் கூடுதல் மகிழ்ச்சி என்கிறார்கள்.

'மாஸ்டர், லியோ' படங்களை தயாரித்த வகையில், விஜயின் திருமண மண்டபங்களை நிர்வகித்த வகையில் லலித்தும், விஜயும் நல்ல நண்பர்கள். ஆகவே,விரைவில் சிறை குறித்து, அக்ஷய் குறித்து விஜய் பாராட்டுவார் அல்லது படக்குழுவை நேரில் அழைத்து பேசுவார் என்று எதிர்பார்க்கப்படுகிறது.

• செய்திகள்
• வந்த படங்கள்

• 
  'துரந்தர்' 2ம் பாகத்தை ஆவலுடன் எதிர்பார்க்கிறேன்! - பாலிவுட் நடிகர் ...
• 
  சல்மான் கான் படத்திலிருந்து காதலர் தின ஸ்பெஷலாக வெளியிடப்பட்ட பாடல்
• 
  திகார் சிறையில் இருக்கும் நடிகருக்கு சம்பளம் உயர்த்தி தர கோரிக்கை வைத்த ...
• 
  அமீர்கான் மகனுக்கு ஜோடியான தமன்னா
• 
  ரூ. 40க்கு தனது சாப்பாடு தரும் அர்ஜித் சிங்

• 
  மீண்டும் இணையும் விஜய் சேதுபதி - தியாகராஜன் குமாரராஜா! நாளை பர்ஸ்ட் லுக்!
• 
  'இருமுடி' படத்தில் காவேரி ஆக பிரியா பவானி சங்கர்!
• 
  பாலகிருஷ்ணா 111வது படத்தில் நயன்தாரா மாற்றமில்லை!
• 
  பான் இந்தியா படங்களோடு மோதும் கென் கருணாஸின் 'யூத்'
• 
  மீண்டும் விஜய் பட தலைப்பில் புதிய பட அறிவிப்பு!