ரூ.80 கோடி வசூலை கடந்த ஆர்டிஎக்ஸ்

12 செப், 2023 - 11:27 IST

0 கருத்துகள் கருத்தைப் பதிவு செய்ய

எழுத்தின் அளவு:

மலையாள திரையுலகில் கடந்த சில வருடங்களாகவே சாதாரண படமாக சிறிய பட்ஜெட்டில் எடுக்கப்பட்ட படங்கள் எதிர்பாராத விதமாக ரசிகர்களின் வரவேற்பை பெற்று 50 கோடி, 100 கோடி வசூலித்து ஆச்சரியப்படுத்துவது வாடிக்கையாகி விட்டது. கடந்த வருடம் அப்படி வெளியான ரோமாஞ்சம் என்கிற ஹாரர் காமெடி படமும், ஜெய ஜெய ஜெய ஜெய ஹே என்கிற குடும்பப்பாங்கான படமும் முறையே 50 கோடி மற்றும் 100 கோடி வசூல் கிளப்பில் இணைந்தன.

இந்த நிலையில் கடந்த சில நாட்களுக்கு முன்பு மலையாளத்தில் வெளியான ஆர்டிஎக்ஸ் என்கிற திரைப்படம் அதேபோன்ற வரவேற்பை ரசிகர்களிடம் பெற்று தற்போது 80 கோடி வசூலித்துள்ளது. விரைவில் இந்தப்படம் 100 கோடி வசூல் கிளப்பிலும் இணையும் என்று எதிர்பார்க்கப்படுகிறது. மிகவும் எதிர்பார்க்கப்பட்ட துல்கர் சல்மானின் கிங் ஆப் கொத்தா படத்தை எல்லாம் ஓவர்டேக் செய்து விட்டது.

இத்தனைக்கும் இந்த படத்தை நகாஸ் ஹிதாயத் என்கிற அறிமுக இயக்குனர் தான் இயக்கி இருந்தார். ரொம்பவும் பிரபலம் ஆகாத அதே சமயம் வளர்ந்து வரும் இளம் நடிகர்களான ஷேன் நிகம், ஆண்டனி வர்கீஸ், நீரஜ் மாதவ் என்கிற மூன்று கதாநாயகர்கள் இந்த படத்தில் இணைந்து நடித்துள்ளனர். மார்ஷியல் ஆர்ட்ஸ் பின்னணியில் அதிரடி சண்டைக்காட்சிகளுடன் ஒரு விறுவிறுப்பான ரிவெஞ்ச் திரில்லராக இந்த படம் உருவாகி இருந்தது.

மகிமா நம்பியார் கதாநாயகியாக நடித்துள்ள இந்த படத்திற்கு வித்தியாசமான முறையில் சண்டைக் காட்சிகளை வடிவமைத்திருந்தனர் அன்பறிவ் சகோதரர்கள். தற்போது இந்த படத்தின் ரீமேக் உரிமையை வாங்க தமிழ், தெலுங்கில் சில முன்னணி நிறுவனங்கள் முயற்சித்து வருவதாக சொல்லப்படுகிறது.

RDXMovie

கருத்துகள் (0) கருத்தைப் பதிவு செய்ய

போதைப் பொருட்களுக்கு அடிமையாக ...

மம்முட்டியின் சகோதரி காலமானார் : ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய