Dinamalar

சர்ச்சை ஹீரோக்களின் கூட்டணிக்கு கிடைத்த வெற்றி

கடந்த வெள்ளியன்று மலையாளத்தில் ஆர்டிஎக்ஸ் திரைப்படம் வெளியானது. இந்த படத்தில் இளம் நடிகர்களான ஷேன் நிகம், ஆண்டனி வர்கீஸ் மற்றும் நீரஜ் மாதவ் மூவரும் நடித்திருந்தனர். இந்த படத்தை நகாஷ் ஹிதாயத் என்பவர் இயக்கியிருந்தார். மஹிமா நம்பியார் கதாநாயகியாக நடித்திருந்தார். இந்தபடம் தற்போது ரசிகர்களிடம் மிகப்பெரிய வரவேற்பை பெற்றுள்ளது. குறிப்பாக இந்த படத்தின் ஸ்டைலிஷான ஆக்சன் காட்சிகள் ரசிகர்களை கவர்ந்துள்ளன.

இந்தப் படத்தின் நாயகர்களில் ஒருவரான ஷேன் நிகம் கடந்த இரண்டு வருடங்களுக்கு முன்பு வெயில் என்கிற படத்தில் நடித்தபோது சம்பள விஷயம் காரணமாக தயாரிப்பாளருடன் முரண்பட்டு சில நாட்கள் படப்பிடிப்பு மீதம் இருந்த சூழலில் தனது கெட்டப்பை மாற்றி வேறு ஒரு படத்திற்கு தயாராகி அதிர்ச்சி அளித்தார். அவர் மீது இந்த ரெட்கார்டு போடப்பட்டு கடந்த இரண்டு வருடங்களாக மிக கடினமான சூழலை சந்தித்து வந்தார். அந்த சமயத்தில் உருவாகி வந்த படம் தான் இந்த ஆர்டிஎக்ஸ். அதனால் இந்த படத்தில் கவனம் செலுத்தி நடித்து வந்தார்.

அதேபோல லிஜோ ஜோ பள்ளிசேரியின் அங்கமாலி டைரீஸ் படத்தில் கதாநாயகனாக அறிமுகமாகி முதல் படத்திலேயே வரவேற்பை பெற்றவர் ஆண்டனி வர்கீஸ் பீபீ. அதை தொடர்ந்து சில படங்களில் நடித்த அவருக்கு இந்த ஆர்டிஎக்ஸ் திரைப்படத்தில் வாய்ப்பு கிடைத்தது. அதேசமயம் கடந்த சில மாதங்களுக்கு முன்பு மலையாளத்தில் வெளியாகி வெற்றி பெற்ற 2018 படத்தின் டைரக்டர் ஜூட் ஆண்டனி ஜோசப் ஒரு பேட்டியில் கூறும்போது ஆண்டனி வர்கீஸ் எனக்கு ஒரு படம் நடித்து தருவதாக சொல்லி 10 லட்சம் அட்வான்ஸ் வாங்கி விட்டு படத்திலும் நடிக்கவில்லை.. அட்வான்ஸ் செய்யும் திருப்பிக் கொடுக்கவும் இல்லை.. அதை நினைத்து பல நாட்கள் கதறி அழுதேன். என்று கூறி பரபரப்பை ஏற்படுத்தி இருந்தார். இதனால் ஆண்டனி வர்கீஸ் மீது மிகப்பெரிய அளவில் விமர்சனங்கள் குவிந்தன.

இந்த நிலையில் தான் தற்போது வெளியாகியுள்ள ஆர்டிஎக்ஸ் படத்தின் வெற்றி இந்த இரண்டு சர்ச்சை ஹீரோக்களையும் உற்சாகப்படுத்தியுள்ளது. இனியாவது சினிமா தொழிலை முறையாக இவர்கள் இருவரும் அணுகி இன்னும் உயரம் தொடுவார்கள் என நம்புவோம்.

• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி

• 
  6 வருடங்களில் 6வது முறையாக பஹத் பாசிலுடன் இணைந்த இயக்குனர்
• 
  நான் தற்கொலை செய்தால் அரசு தான் பொறுப்பு : நடிகர் முகேஷ் மீது பாலியல் ...
• 
  மலையாள நடிகர்கள் மீது பாலியல் புகார் கூறிய நடிகை திடீர் பல்டி
• 
  சர்ச்சைகளை நீர்த்துப்போக செய்யும் விதமாக தயாராகிறதா மோகன்லால் - ...
• 
  மலையாள வாரிசு வில்லன் நடிகர் மேகநாதன் மறைவு